الحب في زمن الصقيع (4 ) ..و هاعيش اللحظة .. بقلم د.شهيرة عبد الهادي

الحب في زمن الصقيع (4) ..  وهاعيش اللحظة  ..
تعرف ..
كنت بـ اعيش ..
معاك اللحظة ..
ببراءة ..
كأنها ..
ألف لحظة ولحظة ..
لأ ...
ألف شمعة وشمعة   ..
استنى   ..
صباح الخير ..
ساعتها..
كانت الشمس ..
تصحى معايا ..
وتكلمني  ..
تتكلم  وتتكلم  ..
لحد ما يجي الليل ..
و تقولي   ..
مساء الخير ..
واما تتعب م الكلام ..
كانت تقول لي ..
تصبحي على خير .. 
راحت الشموع ..
وانطفت ..
شمعة ورا شمعة ..
وغطى اليوم كله ..
سواد الليل ..
بكت الشموع  ..
وبكتني ..
وسألتني .. 
راح فين الصبح ؟..
وراح فين الليل ؟.. 
وفين قلوب..
كانت  بتحب ..
وكان على حبها ..
ألف  ألف دليل .. 
بصراحة ..
مالقتش جواب ..
على سؤالها ..
ولا عندي ..
أي دليل .. 
ولساها بتسأل ..
وانا مش لاقية ..
إجابة ..
ولا عارفة ..
 أقدم ليها دليل ..
بس ..
اوعى تفكّر ..
إني يئست ..
ولا ..
هابعد  عن  ..
الشمس ..
ولا ..
اهجر الليل ..
لأ ..
هاعيش  وياهم ..
هاعيش ..
وسط الزهور .. 
هاعيش ..
ويا نور إخلاصهم ..
ويا ضي الشمس ..
وضحكة  قمر الليل ..
و احب  نفسي   ..
واحب  حبي   .. 
واقدمله  وردة ..
مع أول ..
شعاع  شمس ..
وأول ..
نسمة ليل .. 
وهاعيش اللحظة ..
وألف لحظة ولحظة ..
مع وفاء  إحساس  .. 
وجه النهار ..
و نور نجوم الليل ..
ولا انت  ..
لسه فاكر ..
إني  لسة مستنية  .. 
أعيش معاك ..
إنت بس ..
نفس اللحظة  ونفس الويل ؟! 
--------------------
د.شهيرة عبد الهادي 
15 / 1 / 2017 مـ

الرحيل .. بقلم منصور عبد المقصود الشاعر

الرحيل
سأرحل يوما يا وطنى
وسأهجر اغلى الاوطان
وسأنزع من قلبى اثما
واقبل وجه الشيطان
سأعيش سعيدا مرتحلا
لن اشكو يوما حرمان
ففراقك يا وطنى اهون
من هجرك معنى الانسان
انسانك يا وطنى ذل
وجوارك يا وطنى قهر
وكثيرا ما يتبع حبك
قد صار شهيد الاوطان
فى وطنى لا فارق ابدا
ما بين الحاكم والرب
فالرب اذا شاء خلقنا
والحاكم اذ شاء قتلنا
ما بين الهى والحاكم
فى وطنى خيط يحكمنا
يا وطنا اهلكنى عشقا
يا وطنا اشبعنى صمتا
اتمنى ان يأتى يوما
واحطم كل الجدران
فى وطنى شط اعشقه
والشاطئ محمى بجدار
ما اجمل شطك يا وطنى
قد حرم على اهل الدار
وحديقة فى اقصى البلدة
اشجار ملئت بثمار
واريكة جاءت تتأرجح
من وطئ كبار الزوار
اطفال فى وطنى تكدح
واطفال ما شاءت تمرح
الاول انجبة شريفا
والاخر ابن السلطان
منصور عبد المقصود الشاعر

إلى الولد اللي عمري ما قلت اسمه لحد....... بقلم منى حواس

إلى الولد اللي عمري ما قلت ..
اسمه لحد....... 
وهزّرنا باسم الحب كام مرة ..
فَقلبت جد...... 
مواسم هجرة العصافير..
 لأغصان اللقا دايماً..
 تفكّرني بأيامَك ..
فتبني بالفراق بينّا..
 شوارع سد ْ !!!!..
 إلى الولد اللي حبّيته ..
في لحظة قُرب لمّتنا ..
برغم البُعد ...!!!! 
أنا مش قصدي والله ..
أقلّب في اللّي فات بينّا ..
ولا أجدّد مشاعرنا ..
ولا اسأل دمعنا عنّا ..
ولا اعدّد ليالي الفَرح ..
أنا أصلاً بفعل الجرح حبّيتَك ..
ولمّا لاقيتنا مش نافعين نكمّل بعض ..
صدّيتَكْ ..
عن الدنيا اللي أنا رسماها جوايا ..
فكنت لروحي سهراية ..
تدفيني في ليل البرد ..
يا حلم وعُمره مااتفسّر.. 
تغيب بالعُمر أو أكتر..
وترجع تاني تسألني : 
" أنا بالنسبة ليكِ حبيبْ ؟" ..
عبيط جداً يا واد إنتَ ..
أكيد طبعاً هقول لك : لأ..
مكانش لحُبنا معنى ..
و لا أول و لا آخر ..
فكُنّا ضروري نتّاخر ..
بأحلامنا لناس تانية.. 
عجيبة الدنيا دي جداً..
مقاسها مجاش على قدّي ولا قدّك .....
لكن طلِعت مقاس بنتَك ..
جميلة البنت على فكرة و تشبه لكْ !!!!

كل سنة وانت طيبة يا شهيرة .. باهنيء نفسي بنفسي

شوفوا حضراتكم بقى .. أنا على ما أتذكر حكيت لحضراتكم قصة يوم ميلادي العظيم ده قبل كده :-*.. وقلت لحضراتكم ..أن تاريخ ميلادي الأساسي يوم ما شرفت الدنيا وزغرطت الدنيا لقدومي هو تاريخ ميلاد الزعيم جمال عبد الناصر يعني يوم 15 يناير و اللي تم على إيديه تغيير الجغرافيا السياسية والاقتصادية في المنطقة وبعض من العالم .. لكن تم تسجيل إسمي في سجلات الحكومة يوم 20 من يناير .. وسبحان الله القدر بيحبني زيادة عن اللزوم .. ليه بقى .. لأن 20 يناير ده بقى بعينه هو تاريخ تنصيب دونالد ترامب واستلامه الحكم في أمريكا .. أقصد في العالم كله واللي حيغير مجريات الأمور في العالم البشري .. يعني تاريخ ميلادي ده مش سهل يعني غيّر العالم في الماضي وغيّره في الحاضر وحيغيّره في المستقبل .. يعني اللي مش حيهنيني في يوم ميلادي هو حر بقى وما يسألنيش ع اللي حيجراله لأني مش مسؤولة ههههههههه ..واسمع كلامي بقى يا عمنا وارسل الموضوع ده إلى 20 صديق وانت ح يجيلك الخير كله وحتفرح فرح ما بعده فرح خلال 5 أيام وآخدلي بالك هههههههه .. يعني عندكوا وقت ومتسع أهو تهنوني بيوم ميلادي من 15 يناير وحتى 20 يناير وما بعدهما .. وقد أعذر من أنذر .. وأنا ح ابدأ أهو .. كل سنة وانت طيبة يا شهيرة يا طيبة وكمان يا "....." ولا بلاش هههههههه.. أديني قلتها أهوو قبل ما حد يقولها طيبة هههههه

الصورة هدية من الصديقة الغالية الأستاذة رضوى ابوالعينيين

تعرف ..بقلم منى حواس

تعرف.....
يعنى إيه البنت تتشعلق
فى رقبة حد بتحبّه ؟!!
يعنى إيه الدردشة ....
بتكون براح قدام عينيه؟!!
يعنى تخلع سترها
وتفرش الأرض حكايات
وقت امّا تكشف سرّها
تتغطّي بيه
تعرف....
يعنى إيه البنت بتحبك بجد؟!!
يعنى لمّا ف مرة تكسر قلبها
مش هتلاقيه!!!!
::
منى حواس

إلا برجوعك ..بقلم الشاعر هيثم كمال ..

( الا برجوعك )

وآخر يوم اشوف الشمس كان يومها
ومن يومها وانا مستنى تطلع شمس
وشمسي مش هتطلع الا برجوعك
ونهر النيل
برغم المطرة والفيضان
صبح عطشان
وما يرويه سوى طلّة
عليه من جوّه العين
عينيكِ انتِ
وانتِ بعيد
هناك ع البحر
برمش العين
تشيلي الملح م الميّة
تخلّيها عسل ابيض
يداوى لوعة المشتاق
وانا مشتاق
وشوقى خللى نهر النيل
يسيب مجراه
وييجي لحد رجليكي
يفيض بالشوق على ايديكى
يخليكى
تسيبي البحر وتعودى
ويرجع نهر نيل عمرى
الى مجراه
وترجع ميّته الحلوه
تزرّع ارضى وتخضّر
وتطلع شمسي وتنوّر
وشمسى عمرهاش تطلع
ف عمرى
الا برجوعك

انتي ليه زي اليمام .. بقلم محمد أحمد غسماعيل ..

انتى ليه
زى اليمام
هديله بينقَّر فى قلبى
و بيشرب التنهيدة زى الندا
و يحلى بيها القهوة و الأحلام
يا بنت ليه
قلبك سلام
بيطرى روحى و فرشتى و غطاى
و ضحكتى اليابسة
و كأنى مت و صاحى فى الجنة
باشرب معاكى الشاى
و الناى
بيعزفنا على الطرقات ملكين
و كأننا للناسكين
ملابس الإحرام
عمرى ما باكتب غير على قلبى
فمافيشى حاجة تمسح المكتوب
و انا فى الهوى مغلوب
و جناحى ليه مقلوب
يطير لحد السما
لكن البلاد الضنا
بتحدفه بالطوب
....................................
و دمعتين نزلوا على حرفين
متشبكين على وش القصيدة
ما اعرفش فين سرهم
و لا طريقهم فين
حاميين قوى كالشعر
خاطفينى من بحرهم
إهدى يا شاعر بقى
و امسك كتابك صح
معكوسة صورتك زى صوت أخرس
و عنيك جزيرة مجهولة
و الشمس ماشية فى هدى العنواين
و انت اللى عنوانك هناك
ما بين غمام و غمام
فامسك كتابك صح
و اعرف بأن السر مش بيبوح
إلا لروح درويش

الشاي ع النار ..بقلم منى حواس

بيروح اصحاب
وبييجي اصحاب
مفتوح الباب
قدام الرايح قبل الجاي !!
أعمل لك شاي ؟؟؟
ونحكّي شوية ف كام موضوع
شكلك موجوع ....
وعينيك بتقول
حكايات ياما
عن غدر في توب روحك منقوع
سابقاك كده ليه دمعة عينك ؟!
الله يعينك.....
والله أنا زيك وزيادة
وجعوني الناس....!!
والدمعة الناخرة في إحساسي
أكبر من أي كلام اتقال
إنما بنمشّي الحال ونعيش
وما فيش في الإيد
غير ضحكة خجولة بصوت باهت
اضحكها فتضحك ع الدمعات
فاعزف من ضحكي الساهي آهات
واعرف من روح الدمع حاجات
تفرق لي الرايح م الجي
بتجوز الرحمة على الحي
فالله يرحمنا ويرحمهم
ويبشبش طوبة أحلامهم
الفايتة وجعهم ف ايامك
فيه إيه ..... مالك ؟؟؟
وجعك رغّاي ؟!!
استنى .....
هاعلّق ع الشاي !!!
معرفش إزاي الناس ممكن
في ثواني تهون
فتخون عادي !!!
وكأن العادي إنك تتخان
يخرج وجعك برّاك فتبان
مقسوم من برّه ومن جوّه
والهوة سحيقة ما بين اتنين
إنتَ و إنتَ !!!
و لا واحد فيكم يشبه لك
وإن شُفت ملامحك في مرايتك
مابتعرفهاش
فتلف جروح العمر بشاش
منسوج من حزنك على روحك
برّاك متعايش مع شكلك !!
جوّاك ........
فيه لمّة و زفّة و حَضرة و زار
فتتوه من نفسك في الزحمة
و تتوه من رجلك خطاويها
فيضيع العمر في مشوار !!!
مستعجل ليه ؟؟!!!
الشاي ع النار .....!!
::
منى حواس
من وحي اللحظة
#الشاي_ع_النار

1. Intro

   • Works at ERTU (Egyptian Radio & TV Union)
   • Lives in Cairo, Egypt

   

   

   
2. Photos
3. Friends · 16 mutual friends

   غادة المنوفى 10 new posts	Salwa Abdelhamed 10 new posts	فاطمة المرسي 10 new posts
   Ahmed Ragaii 8 new posts	DrGhada Elyamani 7 new posts	فوزية شاهين 2 new posts
   د.منال عفيفي حماد	Noran Fouad 10 new posts	كريمة سندي 10 new posts

English (UK) · العربية · English (US) · Français (France) · Español
Privacy · Terms · Advertising · AdChoices · Cookies ·
More
Facebook © 2017

الندالة دي ليها ناس ناس .. بقلم د.شهيرة عبد الهادي

الدنيا دي فيها العجب ..
لصنف من الناس ..فيه الندالة ..
والندالة دي ليها ناس ناس ..
ناس تجرجرك لمصلحة بحنية تعبان ونَّاس ..
وناس تعيشك في الوهم وتلعب على وترك الحساس ..
وناس تتحنجل حواليك لغاية ما توقعك وتقايض بيك ناس ..
وناس تتاجر بمشاعرك لأنهم أساساً مش ولاد ناس ..
وناس تندم أنك عاملتهم على أن هم ناس ..
وناس تستغرب أن في يوم ازاي إنت اعتبرتهم ناس ..
وناس غدارة خاينة وبالأقدام لازم تنداس ..
وعجبي
--------------------------------
د.شهيرة عبد الهادي
Drshahera Abd Elhady Ibrahem