السبت، 27 ديسمبر 2014

يا مصر إنت تاج على راسي .... بقلم د.شهيرة عبد الهادي


يا مصر  يا أغلى دُرة  ..
يا تاج على راسي ..
أهلك  وناسك..
ترابك مداسك ..
وكل ما فيكي ..
كلهم  على راسي ..
أزعل منك واخاصمك..
وارجع أبوس  جبينك ..
وكل حتة من  راسك ..
دا انت زادي وزوادي ..
إنت أمي  وحبيبي ..
وعيلتي وولادي ..
إنت ناسي ونهاري وليلي ..
وسهري وونسي  ونواسي ..
مهما  رحت  وجيت ..
أرجعلك يا غالية ..
واجري أبوس على راسك..
يا حرة يا أبية يا ست الكل ..
يا رافعة راس أهلك وناسك ..
ورافعة راس ...
كل من زارك وحيا حراسك..
يا مصر ..
إنت تاج على راسي ....
بغلبك بحزنك بهمك  ..
وفي فرحك ..
تاج على راسي 
يا مصر ..
إنت تاج على راسي
بجبروتك  بشموخك ..
وفي قسوتك ..
 تاج على راسي ..
يا مصر..
إنت تاج على راسي ..
بسكوتك بهدوئك  ..
بصمتك  بصبرك ..
وفي هوجتك ..
تاج على راسي ..
يا مصر ..
إنت  تاج على راسي ..
بنيلك وبحرك ..
بهرمك بجيشك ..
و بتاريخك ..
تاج على راسي ..
ومهما كان  وح يكون  ..
حافضل أقولها ..
يا مصر  يا أغلى دُرة ..
يا تاج على راسي ..
أهلك  وناسك..
ترابك مداسك ..
وكل ما فيكي ..
كلهم  على راسي ..
--------------------
د.شهيرة عبد الهادي

الفيس بوك وألاعيبه ....

الفيس بوك ده فيه حاجات كتير وهمية بتحصل .. أنا بقالي فترة كده باعمل بحث صغيور .. على بعض الصفحات التي أشترك فيها بعمل لايك .. والتي عليها إقبال بالملايين .. وقعدت أراقب العدد ..قبل ما اعمل أنا اللايك بتاعتي .. وبعد ما اعمل أنا اللايك بتاعتي ..فوجدت .. أن .. لما الواحد.. بيعمل لايك .. بتتحسب على بعض الصفحات بعدد 2 لايك .. وبعض الصفحات بتتحسب بعدد 3 لايك .. وبعض الصفحات بتتحسب بعدد4 لايك ..وبعض الصفحات بتتحسب بعدد 5 لايك .. .. مين يزود ..
----------------
د.شهيرة عبد الهادي

حسبنا الله ونعم الوكيل في هذه الشخصية ...

فيه شخصية منافقة اوي ..دينها وديدنها تشويه صورة الآخر .. تشوه في غيرها إلى حد لا يتخيله عقل إلى حد الخوض في العرض ..تقعد تخوض في عرض حد معين .. وبعدين تروح لغاية الحد ده وتقول فيه شعر .. مش عارفة أأقول إيه على الشخصية دي بجد .. يا رب داعش تروح عندها وتغتالها ههههههههه .. معلش بقى ..هو ده آخرة الولايا الغلبانين " الولايا جمع ولية " ههههههههه .. اللي مش عارفين يعملوا مع الشخصية دي حاجة خالص .. فـ بيدعوا عليها وخلاص:D :D :D 

لقاء قمة بين مصر وقطر .. لحظة من فضلك تريث ..

لقاء قمة بين .."مصر و قطر" ..سيتم عقده في.. " الرياض بالمملكة العربية السعودية".. في العشرينات من يناير2015م .. هذا وقد تم قفل قناة الجزيرة مباشر مصر ..
----------------------------------------------

المصدر: محمد شردي: قناة المحور..90 دقيقة ..
اليوم الأربعاء 24 / 12 / 2014م

 

علينا أن نقتدي برسول الله في يوم مولده ....

حبيبي يا رسول الله .. أتمنى أن نقتدي بخلقك الكريم .. ونحن نحتفل بيوم مولدك .. في 12 من ربيع أول 1436هـ .. كل عام وكل مسلمي العالم بخير.. وكل البشرية بخير .. هكذا كانت رسالة رسولنا الكريم للعالم أجمع .. اللهم صل وسلم وبارك عليك يا رسول الله ..
------------------
د.شهيرة عبد الهادي

وجيه عزيز انا المصرى new~1

     


أنا المصرى بغلبه وجبروته .. وطولة باله ..يدعبس ف الرزق عن ضحكه .. ويتمسح فـ أفا نكته.. ويتمسخر على حاله .. أزيح الهم باللقمه .. وادارى جروحى ف الهدمه .. وأقول فـ العشق مواله .. وفاكر فـ الضحى صلاة عصرى .. أنا المصرى أنا .. أنا المصري أنا .. أنا المصري.. أنا المصري .. أنا المصري بفنه وسنه وسكوته .. وانا اللى اديت واديت للحجر صوته .. و جلدي بلون الأرض شرقان .. واموت م الجوع وعمرى ما مت شبعان.. أموت م الجوع وعمري ما مت شبعان .. أموت ولسه النفس فيا عشان صبرى .. أنا المصرى أنا .. أنا المصري أنا .. أنا المصري.. أنا المصري بشكلى ولونى وبهمى .. أقول لده خالى ودا عمى .. واحبك عشان شبه أمى .. وأحكى فـ حالى و اتكلم .. وأقوم م النفضه و اتعلم ولا تبصش على عيبى ..أنا قلبى دنيتى و قصري ..أنا المصري أنا .. أنا المصري ..أنا المصري ..

إلى طلابي وطالباتي في كلية التربية جامعة الإسكندرية ... بقلم د.شهيرة عبد الهادي


مع بداية الاختبارات النهائية للفصل الدراسي الأول للعام الدراسي 2014/ 2015م في كلية التربية ( الشاطبي ) بجامعة الإسكندرية اليوم السبت 27 / 12 / 2014م ..تمنياتي بالتوفيق والنجاح لكل طلابي وطالباتي بمرحلة البكالوريوس والليسانس بالتعليم العام والأساسي والطفولة والتعليم المفتوح وبمرحلة الدراسات العليا في الدبلومات المهنية والعامة والخاصة ومرحلتي الماجستير والدكتوراة .. وأستثمر الموقف وأدعوا لكل التلاميذ والتلميذات والطلاب والطالبات في جمهورية مصر العربية بالتوفيق والنجاح .. ومبروك مُقدماً للجميع إن شاء الله ..
---------------------
د.شهيرة عبد الهادي