لو قدرت تحب حب .. بقلم د. شهيرة عبد الهادي

لو قدرت تحب حب .. حب كل الناس وكل شيء .. 
الحب قدرة تحتاج  للرعاية والتنمية .. 
والكره طعمه وحش أوي بيخلي اللي صفته إنه من بني آدم ولا شيء .. 
------------------------------
د.شهيرة عبد الهادي
الثلاثاء 19 / 9 / 2017 م

بيوجعني يا أمي وجعك .. بقلم د. شهيرة عبد الهادب

بيوجعني يا أمي وجعك .. 
بيإلمني يا أمي ألمك ..
وكيف لا ..
وانا ...
حتة من روحك .
حتة من دمك..
مش ح اقول يا أمي ..
كلام مستهلك ..
ولا ح أقول يا أمي..
يآخد مني ويديه لك..
كلامي يا أمي..
مش كلام شعر..
لـ خصالك ..ولا فـ فضلك..
دا كلام بنت..
ما شافتش يا أمي .. أم زيك ..
وح أقول يا أمي ..
واناجي ربي ..
يلطف بيكي ويخفف عنك ..
بفضل إخلاصك ..
وتفانيكي في تربيتنا ..
وبحق عفتك وطهارتك ..
وبفضل عطائك ..
وانت ..
بتنسي نفسك ..وتفضلينا عنك..
-----------------------------------
د.شهيرة عبد الهادي
الإثنين 18 / 9 / 2017 م

ألم .. بقلم د.شهيرة عبد الهادي

ألم ..
أمي هي أم زي ما الكتاب بيقول..أمي تكاد تكون من الصحابيات في حسن طيبتها ومثاليتها وأدبها  وخجلها وكمال عقلها وحكمتها وتفانيها في خدمة زوجها وأولادها وتربيتهم بردو زي ما الكتاب بيقول..أمي ضحت وتضحي بكل غالي ونفيس في سبيل زوجها و أولادها ولا تنتظر منهم شيء ..أمي حيية إلى أبعد الحدود بتتكسف كما العذراء في خدرها حتى في أي مناقشة مع أولادها ..أمي ما بتعرفش ترد على إساءة حد ما بتعرفش تلقح بكلمة على حد ما بتعرفش تبدأ بالهجوم على حد ما بتعرفش حتى تآخد حقها من حد .. أمي ما بتعرفش تغير زي أي ست بتغير من ست زيها ما لهاش في اللوع بتاع الستات ولا الحوارات بتاعت الستات ..أمي ما تعرفش تسيطر على حد ولا حتى على زوجها وأبنائها ..أمي طاهرة طهارة ليس لها حدود.. أمي عمرها ما كانت حماة لزوجة إبن ولا لزوج بنت..ومع ذلك بتعاني في مرضها معاناة ما بعدها معاناة وأنا حاسة بعجز شديد وحاسة أني مقصرة معاها ومش عارفة أعمل ليها حاجة .. 
---------------------------------------
د.شهيرة عبد الهادي
الإثنين 18 / 9 / 2017م