( اتباع كلب لأهل الحق .. جعله يُذكر في قرآن يُتلى إلى يوم الدين ..) .. عبارة قالها دكتور عائض القرني .. في برنامج " أنوار الكهف" ..

( اتباع كلب لأهل الحق .. جعله يُذكر في قرآن يُتلى إلى يوم الدين ..)
--------------------------------------------
عبارة قالها دكتور عائض القرني ..
في برنامج " أنوار الكهف" ..

"بِسْمِ اللَّهِ الرَّحْمَٰنِ الرَّحِيمِ سُبْحَانَ الَّذِي أَسْرَىٰ بِعَبْدِهِ لَيْلًا مِنَ الْمَسْجِدِ الْحَرَامِ إِلَى الْمَسْجِدِ الْأَقْصَى الَّذِي بَارَكْنَا حَوْلَهُ لِنُرِيَهُ مِنْ آيَاتِنَا ۚ إِنَّهُ هُوَ السَّمِيعُ الْبَصِيرُ " ..

"بِسْمِ اللَّهِ الرَّحْمَٰنِ الرَّحِيمِ سُبْحَانَ الَّذِي أَسْرَىٰ بِعَبْدِهِ لَيْلًا مِنَ الْمَسْجِدِ الْحَرَامِ إِلَى الْمَسْجِدِ الْأَقْصَى الَّذِي بَارَكْنَا حَوْلَهُ لِنُرِيَهُ مِنْ آيَاتِنَا ۚ إِنَّهُ هُوَ السَّمِيعُ الْبَصِيرُ " ..
الليلة .. ليلة الإسراء والمعراج .. ليلة 27 رجب 1436هـ .. الموافق السبت 16 مايو 2015م..
كل عام وحضراتكم بألف خير .. ولندعوا لبعضنا البعض بظهر الغيب في هذه الليلة المباركة..

الإرهاق السهر عدم النوم عدم الاهتمام بالنفس وهي دي الدكتوراة

الإرهاق .. السهر ..عدم النوم لمدة أيام كثيرات متتاليات ..عدم الاهتمام بالنفس .. هي دي الدكتوراة .. على إيدي الشمال رسالة الدكتوراة وهي في مجلدين كبيرين .. وإيدي اليمين مثبَّتة المُلخص وإيدي الشمال بتساعدها .. وهذه لحظات قراءة ملخص الرسالة في بداية المناقشة .. ذكريات ..

#‏جمعتنا_جمعة_طهر_ونقاء_لهما_صفتي_الاستمرار_والبقاء_إن_شاء_الله_‬

‫

#‏جمعتنا.. جمعة_طهر_ونقاء_لهما_صفتي_الاستمرار_والبقاء_إن_شاء_الله
أشهد أن لا إله إلا الله وأن سيدنا محمد رسول الله
اللهم صل وسلم وبارك على سيدنا محمد ..
اللهم صل وسلم وبارك على سيدنا محمد في الأولين والآخرين ..
اللهم صل وسلم وبارك على سيدنا محمد وعلى آله وصحبه وتابعيه وتابعي تابعيه ونحن معهم في الملأ الأعلى إلى يوم الدين ..

يا نهار لبني .. وزير الشباب .. بيقول .. أن مفيش بطالة في مصر.. هو الوزير ده عايش فين .. ‫#‏يكنش_من_بنها_‬

يا نهار لبني ..
وزير الشباب .. بيقول .. أن مفيش بطالة في مصر..
هو الوزير ده عايش فين .. ‫#‏يكنش_من_بنها_‬

(كلمتين بالبلدي) إلى سعادة الرئيس السيسي .. بقلم د.شهيرة عبد الهادي

(كلمتين بالبلدي) إلى سعادة الرئيس السيسي
---------------------------------------------
بمناسبة  النبأ المنتشر على صفحات الفيس بوك  الآن  .. والذي يقول :" أن الرئيس السيسي قد طالب المديرين في كل مكان بحسن معاملة مرؤوسيهم وأن يطبطبوا  عليهم " .. والذي لا أعلم مدى صحته من عدمها .. لأنني لم أسمع الخطاب  لظروف ..  أريد أن أشكر سعادة الرئيس على هذه الملحوظة .. إذا كانت قد قيلت  فعلاً بهذا الإسلوب ..وفي نفس الوقت .. أريد أن أقول شيئاً  لسعادته  وهو .. يا سعادة الرئيس ..
فيه ثقافة غريبة في مصر .. يبدو أنها جينات عند المصريين .. أي واحد.. يمسك أي حاجة .. إن شا الله خولي أنفار في الغيط .. عاوز اللي بيرأسهم.." يصلوا  له " ركعتين قبل ما يكلموه .. وعاوز كتر النفاق له.. وعاوز كتر التملق له .. وعاوز اللي يشتغل معاه .. يشتغل خدام له .. وعاوز يذل في اللي بيشتغل تحت رئاسته .. وعاوزه يخضع له .. ويخلي عنده خنوع علطول  له ؟ .. وكمان  لازم يستغله .. ولو مستجبش له  ومسمعش الكلام .. يخلي أيامه سودة .. ويخليه يكلم نفسه  ويلف حوالين نفسه.. ويسلَّط  عليه الشلِّة بتاعته .. لغاية ما يغتالوه نفسياً ويدمروه تماماً .. ليه ؟  ..لأنه هو نفسه اتربى  على  كده .. ووصل للمنصب اللي  هو فيه بكده .. ثقافة سيئة .. وفي نفس الوقت .. المرؤوسين عندهم نفس الثقافة .. ثقافة التأليه والنفاق للي بيرأسهم ..إن شا الله كان هو نفسه خولي الأنفار اللي في الغيط .. ليه ؟ .. عشان يآخدوا من وراه مكاسب كتيرة .. وعشان خايفين منه  ومن تدميره لهم .. ويستمرون في  ذلك ..  إلى أن يصيبه الغرور .. ويتصور أنه هو  الإله موزع الأرزاق .. وأنه من يتحكم في مصائر الناس .. وهو عشان معندوش ثقة بنفسه .. بيبقى مبسوط من كده .. فيه فرق بين الأدب والاحترام .. والذل والخنوع والخضوع .. نعم .. الاحترام والأدب لابد وأن يتوفر لدي كل من الطرفين للآخر.. الرئيس والمرؤوس  .. لكن دون ذل وخضوع وخنوع .. مع مراعاة أدبيات التعامل التي وردت في كل الأديان السماوية ..   ومن  الصدف العجيبة .. أنني وأنا .. أقرأ  اليوم .. في وصايا وحِكم  جدي  الحكيم الفرعوني " بتاح حتب " .. وجدت أن إحدى وصاياه  تقول  بالحرف : " ـ انحن ِ أمام رئيسك ، المشرف عليك فى شئون الإدارة الملكية ، حتى يظل بيتك مفتوحاً ، ويستمر رزقك ومرتبك جاريًا ، ولا تعصه ، فإن عصيان من بيده السلطة حماقة وشر مستطير ." .. وبكده بقى .. يبدو  أنها جينات  مصرية   فعلاً يا سعادة الرئيس .. ونحن نريد لها علاجاً .. وليسامحني جدي " بتاح حتب" ..
--------------------------------------------
د.شهيرة عبد الهادي
#Drshahera_Abd_Elhady

(مواقف حياتية ) محاولة لفهم سيكولوجية الشخصية المصرية .. بقلم د.شهيرة عبد الهادي

(مواقف حياتية ) محاولة لفهم سيكولوجية الشخصية المصرية -----------------------------------------------------------
نظراً لأني مهتمة  بمعرفة سيكولوجية الشخصية المصرية .. ونظراً لأن الفيس بوك  قد تحول  من عالم افتراضي  إلى عالم واقعي  بالفعل .. يعكس كل ما في المجتمع الواقعي من إيجابيات وسلبيات .. كما يعكس كل  أمراض المجتمع الواقعي .. فقد لفتت نظري ظاهرة .. وبأمانة  لم تكن لديَّ  الرغبة في التحدث  عنها .. لولا هذا التحول الرهيب للفيس بوك..  وقبل أن أتحدث عن الظاهرة دي .. أحب أأقول أن كل أصدقائي وصديقاتي على دماغي وعلى راسي  من فوق ..وأنني بدونهم لا أساوي شيئاً.. لكن  هناك ظاهرة ما لفتت نظري من البعض .. إيه هي  بقى الظاهرة دي .. هي  أن   بعض الشخصيات  ( ذكر أو أنثى)  ومن جميع  المجالات .. تطلب  صداقة  .. وتقعد تعلق على  منشوراتي الخاصة بي  وتهتم بها  وممكن كمان   تكتب فيها وفيا  قصائد شعر .. طول ما  طلب الصداقة   لم يتم الموافقة  عليه  .. وأول ما  تتم الموافقة على طلب  الصداقة.. معدتش أشوفها   خالص .. لا تعليق  ولا مناقشة ولا حوار ولا أي شئ يحسسني  أنها  معي  خالص .. واللي يغيظ أنها تبعت لي  التعليق في رسالة .. مع أن مكان التعليق هو الصفحة الشخصية على المنشور نفسه.. واللي يغيظ أكثر .. أنني نشرت مليون مرة أني مبحبش  التعليقات على منشوراتي في رسائل .. لأن مكان التعليق هو المنشور على صفحتي الشخصية  ..  واللي يغيظ أكثر وأكثر  .. أن الشخصيات دي بعد ما أوافق على طلب الصداقة   ممكن  تعمل لي بلوك  أو  بتقفل حسابها   أو تلغي الصداقة ..  بعد أن تمت  الموافقة على طلب الصداقة.. وتكون النتيجة   النهائية  مثلاً ممكن يكون عندي  حوالي 5000 صديق وصديقة   واللي بيعلق على  المنشور 10أو20أو30 .. يعني  نسبة  بسيطة جداً  لا  تكاد  تذكر..  (وهؤلاء الذين يعلقون  طبعاً   لهم مني كل الاحترام والتقدير والشكر والعرفان  والتقدير لأنهم  المهتمون ).. لكن  السؤال ..طيب .. هي  الشخصيات دي   بتعمل كده ليه ؟!  .. هو إيه الهدف من الصداقة ؟ .. أعتقد أن  الهدف  من الصداقة  هو تبادل المعلومات  والأفكار  وتبادل الخبرات   وأن نتعلم من بعضنا البعض  عن طريق التعليقات والمناقشات والحوارات ووو ..  وإذا ربنا قدرنا على عمل خير نعمله  ووو  إلخ .. يعني  كل ما هو مفيد وحميد .. بجد  هذه الظاهرة حيرتني ..  يا ترى .. ما السبب وراء ذلك ؟.. ولماذا تحدث هذه الظاهرة ؟   وما كيفية علاجها ؟ ..
---------------------------------
د.شهيرة عبد الهادي
#Drshahera_Abd_Elhady_Ibrahee

(كلمتين بالبلدي) إلى وزير التعليم بمصر .. بقلم د. شهيرة عبد الهادي

بمناسبة  أن  اختبار  الفيس بوك  عيني وزيرة التربية والتعليم   بمصر في العالم   الافتراضي هههههههه    وبكده الحمد لله  بقيت  من  ضمن الحكومة  الافتراضية على الفيس بوك  هههههه ..انا باضحك بس من غلبي .. ودلوقتي  بقى  أنا أتكلم  بمنتهى الجدية  و من عشمي يعني .. عندي رسالة إلى وزير التعليم  العالي وكل مسؤول عن  التعليم العالي في مصر في العالم الواقعي  بمصر  .. أرجوكم .. انقذوا باستخدام القوانين العادلة  التعليم  العالي في مصر .. دلوقتي  "بعض" رسائل  الماجستير   والدكتوراة  وصلت إلى مستوى  من التردي لا يمكن تخيله ولا احتماله .. لدرجة أنني وأقسم بالله العلي العظيم   بكيت  بالدموع  بعد حضوري  مناقشة "بعض"  هذه الرسائل ..نظراً  للمستوى المنحدر المتردي واللا شيء  الذي وصلت إليه  .. وده ليه بقى ..  لأسباب كثيرة جداً  حضرتك عارفها ..  والكل  في مصر  عارفها .. ومن  ضمن  هذه الأسباب .. أن القوانين  فتحت الأبواب  .. للطلاب  اللي جايبين " مقبول " في الليسانس والبكالوريوس وكمان جايبين" مقبول " في كل أنواع الدبلومات اللي في الدنيا كلها  واللي دخلوها .. وعلى فكرة بقى .. هم دول اللي بيآخدوا ماجستير ودكتوراة  دلوقتي  ..   بينما اللي جايب جيد جدا وممتاز  ممكن يكون  مقدمش على دراسات عليا  أساساً   لظروف  حاصة بيه  .. بالإضافة  لعامل المجاملات  الذي انتشر وتوغل عند  "بعض"   أساتذة الجامعات  .. بالإضافة    "لدكاكين " الماجستير والدكتوراة  اللي تحت بير السلم واللي ذكرها "الدكتور الشوادفي " في مقال له .. بالإضافة   إلى اللعب بالبيضة والحجر  في العلم .. أه والله  متستغربوش .. أيون  فيه  إسلوب اللعب بالبيضة والحجر في العلم دلوقتي ..  وفيه حاجات  اتكسف أأقولها   من  مستوى الانحدار الذي وصلت إليه  طرق وسبل التعامل  مع منح  درجة  الماجستير والدكتوراة  الخاصة ببعض الطلاب المصريين والطلاب من بعض البلدان غير المصرية و  الناس كلها عارفاها  .. حرام والله  .. الإقلال من شأن العلم  والبحث العلمي  والتعليم   هكذا في مصر ..
------------------------------------------
د.شهيرة عبد الهادي
#Drshahera_Abd_Elhady_Ibrahem