-----------------------------------
د.شهيرة عبد الهادي
27 / 5 / 2017 م
الأربعاء، 21 يونيو 2017
أبداً لن تسقط مصر .. بقلم د.شهيرة عبد الهادي
-----------------------------------
د.شهيرة عبد الهادي
27 / 5 / 2017 م
( مواقف حياتية ) .. لما تيجي لحظة تقول لك إن لسة فيه أمل
بتبقى من أجمل اللحظات .. في هذا العالم الذي انقرضت فيه قيمة مثل قيمة " الوفاء" ..لكن ربنا دايماً بيبعت لعبده رسائل تطمنه وتقول له : إن لسة فيه خير .. دلوقتي حالاً لقيت تليفون جاي لي من صوت نسائي جميل .. بتقول لي وبالحرف الواحد .." كل سنة وحضرتك طيبة يا دكتور شهيرة ورمضان كريم ، أنا كنت طالبة عند حضرتك في شعبة طفولة واتخرجت عام 2013 م يعني من أربع سنين ، واتعلمت من حضرتك كتير بجد يا دكتورة ،وأنا مش فاكراها ، فسألتها عن إسمها وعن دفعتها ، وعن مواقف معينة تفكرني بيها ، فقالت لي :أنا إسمي ياسمين عبد القادر ،كنت في الدفعة اللي كانت المندوبة بتاعتها شاهنده ممدوح ، اللي كانت مندوبة عننا عند حضرتك ، وسبق وعزيت حضرتك في ذكرى وفاة والد حضرتك ، وكمان أنا عند حضرتك على الفيس ،وأنا اتجوزت من سنة ونص وعندي آدم دلوقتي يا دكتور شهيرة.. إيه الجمال ده وإيه الوفاء ده ).. الحمد لله .. ما تعرفوش حجم ومدى سعادتي بهذه المكالمة التي فيها كل الاحترام والوفاء .. فعلاً .. كما قال رسولنا الكريم.. الخير في وفي أمتي إلى يوم الدين .. مرسي يا ياسمين ميرسي يا ام آدم .. وأتمنى تيجي أشوفك في الكلية ..
--------------------------------------------
د.شهيرة عبد الهادي
27 / 5 / 2017 مـ
( مواقف حياتية ) ..ولادي وبناتي في الكلية .. بقلم د. شهيرة عبد الهادي
عشان طول السنة باتخانق معاهم ..لسبب واحد ..وهو .. الأخلاق المنحدرة المنحطة التي تصدر من فئة منهم ..كانوا فاكرين أن أنا ..ح أعاقبهم في الاختبارات .. وأجيب ليهم ..إختبار صعب ما يعرفوش يحلوه وكده .. فلما وجدوا أن اختباري كان سهلاً أو " جميل " بمفرداتهم وكما يقولون بالحرف .. كل شوية يكلموني في التليفون ويهنوني برمضان ..وكمان يقابلوني في الكلية يشكروني وفي المواصلات ويشكروني .. بس يا رب يكونوا مجاوبين إجابة كويسة وعلمية يعني
:D 
<3 :D
.. وطبعاً من رابع المستحيلات أنني أعاقب طالب عندي بأني أجيب له إختبار
صعب ما يعرفش يحله وكده .. لأن هناك أنواع آخرى من العقاب .. وهي دي
رسالتي اللي نفسي ..ولادي الطلاب والطالبات يفهموها .. الأخلاق الأخلاق
الأخلاق قبل العلم واحترام النظام والنظافة والممتلكات العامة والهدوء
والاحترام قبل العلم ..وعلم بدون أخلاق ونظام ووقار واحترام القوانين لا
قيمة له .. وعندما وصف الله سبحانه وتعالى رسولنا الكريم .. وصفه .. بأنه
ذو خلق عظيم .. فقط .. ولا بكالوريوس ولا ماجستير ولا دكتوراة .. ولا عيلة
فلان ولا علان ولا ترتان .. وهي دي رسالتي في عملي بالكلية وعلى الفيس
ومع أسرتي الكبيرة .. يا رب يا ولادي تكون رسالتي وصلتكم ..---------------------------------
د.شهيرة عبد الهادي
27 / 5 / 2017 مـ
( مواقف حياتية ) ..واقعة توضح إسلوب ومفهوم الغش اللي منتشر عندنا في الاختبارات .. بقلم د.شهيرة عبد الهادي
أنا كلمت حضراتكم قبل كده عن موضوع الغش المنتشر بصورة فاضحة في كل اختباراتنا بجميع المراحل التعليمية بداية من الروضة وحتى الجامعة وما بعدها .. وحضراتكم عارفين أني بامنع الغش على قدر طاقتي البشرية .. لكني إن شاء الله ح استمر وأمنع وأمنع وأمنع .. في اللجنة اللي فاتت بقى ..اللي أنا كنت مسؤولة عنها .. فيه مجموعة من الطلاب اللي عمرهم فوق الخمسين واللي هم عاملين مع بعض جروب عشان الغش .. أول ما شافوني وأنا داخلة اللجنة وبعد ما وزعنا ورق الإجابة والأسئلة عليهم .. قاموا بعد 10 دقائق .طلبوا أنهم يسلموا الورق فاضي من غير إجابة .. وطبعاً قلت لهم حاضر بس بعد انقضاء نصف الوقت كما يقول القانون .. الظريف بقى اللي عاوزة أقوله لحضراتكم .. أن زعيمة المجموعة دي .. وهي بتسلم ورقتها الفاضية ..جاءت لغاية عندي في مكاني :وبتقول لي .. كل سنة وانت طيبة يا دكتورة .. بس بتقولها بطريقة فيها كلام واضح ومفهوم .. هو إيه بقى الكلام ده .. هو .. أنها بتقول لي .. إنت يا دكتورة السبب في اني سلمت الورقة فاضية .. يا سلام .. يعني مش هي اللي مش حتعرف تغش ما دام أنا موجودة .. المصيبة السودة بقى.. إن اللي بيغشوا دول .. بيجوا بعد كده عندنا يعملوا ماجستير ودكتوراة وبالغش بردوا .. والنتيجة أننا أصبحنا لا عندنا لا علم ولا أخلاق ولا تعليم ولا مدارس ولا جامعات .. بس إيه رأيكم بقى .. حضرتها بتحملني أنا مسؤولية أنها ما عرفتش تجاوب عشان هي كل مرة والجروب الخاص بيها عاملين برتيتة غش .. وآدي أخلاق ومفاهيم الغش عندنا ....
-----------------------------------------------
د.شهيرة عبد الهادي
27 / 5 / 2017 مـ
إنهم العرب .. فـ هم دائماً على العهد باقون .. التشرذم التفرق المصالح الشخصية .. والشماعة إسرائيل .. #بدون_الخوض_في_التفاصيل
إنهم العرب .. فـ هم دائماً على العهد باقون .. التشرذم التفرق المصالح الشخصية .. والشماعة إسرائيل .. #بدون_الخوض_في_التفاصيل
5 / 6 / 2017 ةمـ
5 / 6 / 2017 ةمـ
اللهم اجعلني من المتوكلين عليك .. المقربين إليك .. بإحسانك يا غاية الطالبين .. آمين آمين يا رب العالمين ..
آمين آمين يا رب العالمين ..
5 / 6 / 2017 مـ
اللهم حبب إليَّ الإحسان .وكره إليّ الفسوق والعصيان .. وحرم عليَّ.. السخط والنيران .. بقوتك ..يا غوث المستغيثين .. آمين آمين يا رب العالمين ..
آمين آمين يا رب العالمين ..
6 / 6 / 2017مـ
اللهم وحد جميع أبناء وطننا الغالي على كلمة واحدة هي "مصر" آمين آمين يا رب العالمين
آمين آمين يا رب العالمين
6 / 6 / 2017 مـ
آللهم اجعل نفسي نفساً طيبةً مُطمئنةً .. طآتعةُ لك .. تُؤمن بلقآئك .. ترضى بقضآءك .. تقنع لعطائك .. ولا حول ولا قوة إلا بك ..
7 / 6 / 2017 مـ
وتبقى دائماً في الكون ..شخصية .. تقتل كل من يقترب منها ..سواء لشدة : نعومتها أو ذكائها أو شرها أو تركيزها على أحد الجنسين .. #دشهيرة_عبد_الهادي
#دشهيرة_عبد_الهادي
6 / 6 / 2017 مـ
ودائماً سيكون مِلح الأرض ضحية صراعات الزعامة والمال والسلطة .. #وله_الله
--------------------
د.شهيرة عبد الهادي
6 / 6 / 2017 مـ
الاشتراك في:
الرسائل (Atom)