معيار أو معايير الحكم على الشخصية ليس مرهوناً بالعمر الزمني .. بقلم د. شهيرة عبد الهادي

لا تكن قاسياً في الحكم على أي شخصية " ذكراً كان أو أنثى " ..إلا بعد التعامل معها خلال مواقف متعددة المجالات .. فـ كل شخصية في حد ذاتها " حياة مستقلة " .. لها الكثير من الأركان التي تتكامل أحياناً وتتفاضل في أحايين آخرى .. وهذا ليس مرهوناً بالعمر الزمني وإنما ما يحدده هو العمر العقلي للشخصية ..
--------------------------------------
د.شهيرة عبد الهاي
9 / 2 / 2017 مـ

سوزان ..بقلم الشاعر السوداني مصطفى عبد الماجد واد المأمور

سوزان
شعر مصطفي عبد الماجد واد المأمور
اسكندريه يناير 1976م
فَرَضْنَا أبوكِ ( ياسوزان )
أسَاسْ أجداده فى اليونان
ايه اللَمَّه واشنطون
ودَخَّلْ فيها وادي السين
وشال من طِينُمْ الإتنين
وخَلَقِكْ إنتي (ياسوزان)
دى حكمة رَبِّكْ المَنَّانْ
عايزكْ تَبْقِى (مصريه)
وتَقْرِى زراعه ..
شَانْ ما تْقَابِلي إنسان
والله عشان بِرِيدْ بلدك
جَابْ مَسْمَاهَا في القرآن
و جابك إنتي مصريه
و خلاّكْ مَفْخَرَةْ أوطان
وناس (سوزان) عشان تهجين
قوامُنْ جاى زىَّ البان
شفتو النيل ..وكت فى الدلتا حبَّه يميل
ويزيدا حلاوةْ الوديان ؟؟؟
دى ميلة البانه في (سوزان)
و ( سوزي) الليْنَه يوم ما تميل
تخلِّى عقولنا فى طَيَشَانْ
وناس (سوزان) عشان تهجين
عيونهم ماخْدَه من النيِّل
وظَاهرْ فيها أثَرْ السين
مِخَدِّره زى عيون ( ديستان)(1)
جوز عينيها زيتونتين
وَكِتْ ما تجيها إنت قريب
تشوفِنْ يلالو فى فنجان
أولْ مرَّة فى التاريخ
تُزْرَعْ فاكهه في انسان
مناخك نَجَّحْ العُنْاَبْ
وقَامْ في صدرك الرُمَّانْ
وفى وَجَنَاتِكْ التفاح
نَجَحْ في وَشِكْ إنتى نجاح
يفوق الجاىِّ من لبنان
( سوزان) لوحه تجريدى
مزيج من أَبْدَعْ الالوان
مرَّه تشوفها جنِيِّه
ومرَّه رقيقه حُوريه
أصلاً (سوزى ) مصريه
و بيها إتْكَامَلْ السودان
( سوزى) الرقَّه والجبروت
مجازر دَمْ في عين جالوت
و(سوزى) الملكة حتشبسوت
و (سوزى) وداعة الغزلان
نغمة صوتك المنغوم
آهه نغمة في (أم كلثوم)
وقولة حىَّ في الأذان
ودائما ( سوزى) لما تفوت
تسيب في قلوبنا رَنةَّْ صوت
صوت الكلمه والألحان
ولو كان ترضى حتشبسوت
أريت كان ترضى حتشبسوت
نشيل من صوتا حَبَةْ صوت
تَبُثُّه إذاعة ( أمد رمان)