غريبـه منسيـه
قريبه منسيه بعيده منسيه
غريبه من يومي في وحدتي ديا
من يومي مظلومه من يومي محرومه
من كل حنيه منسيه منسيه
سنين يا عيني وراها سنين
وأديني صابره مع الصابرين
عيون حزينه وبال مشغول
وقلبي زي الدنيا حزين
وبين حبايبي وظلم حبايبي
قسيت كتير يا حبيبي يا قلبي
وأديني منسيه عايشه لوحديا
غريبه من يومي في وحدتي ديا
من يومي مظلومه من يومي محرومه
من كل حنيه منسيه منسيه
يا عيني بيني وبين الناس
بحرين دموع وهموم بحرين
وأنا أعمل إيه وأعز الناس
مليين حياتي بدمع العين
وبين حبايبي وظلم حبايبي
قسيت كتير يا حبيبي يا قلبي
بقالي زمان حبايبي مشغولين عني
يقالي زمان بغني لوردة عشطانه
بكلم نجمه حيرانه
بدور على اللي يسمعني
أقوله شكوتي وهمي
ولما جرحي يوجعني
يداوي جرحي
لكن يا عيني هنشكي لمين
للمشغولين ولا الناسيين
خليني منسيه عايشه لوحديا
--------------------------
كلمات:محمد علي أحمد
ألحان: كمال الطويل
غناء: نجاة الصغيرة
