طفل يلقي قصيدة عن الام بطريقة مؤثرة.. الدواء اللي عندك يا أمي ملقيتوش في الأجزخانة

ما أجمل اللغة العربية وما أعذبها .. بقلم د. محمود إبراهيم

Mahmoud Ibrahimما أجمل اللغة العربية وما أعذبها 👌 

- بنت الشفة : الكلمة
- بنت العين : الدمعة
- بنت العقل : الفكرة
- بنت اليمن : القهوة
- بنت الأرض : الحصاة
- بنت اليم : السفينة * ..بنات الفكر : الرأي، أو الشِّعر
* بنات اللّيل : الأحلام
* بنات النّفس : الوساوس
* بنات البطون : الأمعاء
* بنات الخدور : العذارى
* بنات الفلا : الماء
* بنات التّنانير : أرغفة الخبز
* بنات الصّدور : الهموم
* بنات اللّهو : الأوتار
* بنات عبر : الكذب - ابن الليل : اللص
- ابن السبيل : العابر
- ابن الغبراء : الفقير
- ابن الطود : الجلمود
- ابن الحرب : الشجاع
- ابن بطنه : الشره
- ابن سمير : الليل
- ابن الليالي : القمر
- ابن الغمد : السيف * أبو مرّة : إبليس
* أبو الفنون : المسرح
* أبو الصخب : المزمار
* أبو مصلح : الملح
* أبو الأشبال : الأسد
* أبو الأبرد : النمر
* أبو جعار : الضبع
* أبو أيوب : الجمل
* أبو مزاحم : الفيل
* أبو يقظان : الديك
* أبو الأخطل : البغل - أم الكتاب : الفاتحة
- أم القرى : مكة
- أم الفضائل : العلم
- أم الرذائل : الجهل
- أم الخبائث : الخمر
- أم الندامة : العجلة
- أم الطعام : الحنطة
- أم قشعم : المنية
- أم الربيض : الأفعى
- أم عريط : العقرب
- أم عوف : الجرادة

كلمتين بالبلدي .. إوعى تدي لحد أمل في حاجة وبعدين تخلى بيه بعد كده .. بقلم د.شهيرة عبد الهادي

كلمتين بالبلدي ...
لما تيجي تبني علاقة مع إنسان على أي مستوى من المستويات أو عاوز تجذب انتباهه لك لأي سبب من الأسباب لا يعلمه إلا الله ثم أنت ..حاسب على تصرفاتك معاه من الأول من البداية .. إوعى تعشمه وتديله أمل في حاجة وتخلى بيه بعد كده ..مهما كان نوع الحاجة دي .. لأن جايز الأمل اللي انت اديتهوله ده هو القشاية اللي بيتعلق فيها زي الغريق ما بيتعلق في قشاية كده .. وجايز الأمل ده هو اللي بدأ يكِّون جواه سعادة .. وجايز الأمل ده هواللي بيبني عليه قصور وكانت نيته حسنة وهو بيبنيها ..فـ لما إنت بعد كده تتخلى عنه .. فانت بكده بتكسر بخاطره وبتحزنه على حاله وبتصيبه بالوهن النفسي والقلبي وبتكسر كيانه كله وانت مش وآخد بالك .. لأن الأمل ده هو اللي بيخلي الإنسان يقاوم كل مصاعب الدنيا وبيديله نشاط وحيوية تهد جبال عشان يحققه .. وعشان الأمل ده هو اللي خلاه يثق فيك والثقة دي شيء مش قليل ولا هين ..و عشان الأمل ده بيخليه متفائل ورقيق الطباع وشايف الدنيا كلها سلام في سلام .. وعشان الأمل ده بيخليه يتغلب على الآلم والآلام اللي بيعاني منها .. وعشان الأمل ده هو اللي بيقوى قدراته ومهاراته ومواهبه وإبداعاته وتفكيره وبيخلي نفسيته تتحسن .. فلما إنت بتخلى بيه .. بيتصدم وبيكفر بالأمل وبكتير من المباديء والقيم وبيفقد الإرادة وبيدَّمر وبيحتاج لفترة عشان يستعيد نفسه .. والفترة دي بتكون على حساب حياته كلها ..
----------------------------------------------------------
د.شهيرة عبد الهادي
18 / 3 / 2017 م
Drshahera Abd Elhady Ibrahem

Close

Drshahera Abd Elhady Ibrahem

18 March 2013 ·

كتبتها بالأمس القريب .. وأعيدها اليوم ..
نتحاور وننتاقش لنرتقي ونلتقي في حب الله و الحق والوطن..
إحنا شعب غلبان .. وصدقوني مش حناخد النيشان .. لأن النيشان خدوه اللي خططوا له من قبل الزمان بزمان .. وحصل اللي حصل واللي كان كان .. نفسي لما نيجي نتناقش مع بعض نتناقش بموضوعية وحيادية وعلم وفهم تمام .. كده حنتعلم من بعض و يمكن نحب بعض كمان .. لأ بالتأكيد حنحب بعض وبزيادة كمان .. مش كفاية إن احنا بنجاهد علشان نفهم اللي بيحصل في كل ميدان .. في السياسة في الاقتصاد في الصحة في البيئة في التعليم وفي علوم الإنسان .. وكفاية اللي عاملينوا فينا أهل السياسة اللي ودونا في خبر كان .. خلونا مش فاهمين حاجة في أي حاجة من كتر ما عيشونا في حالة من التوهان . . وحاطين لينا القنابل الموقوتة في كل مكان .. في العقل في الفكر في التاريخ في العواطف حتى في الإحسان .. واعتيروا عقولنا مُعيبة لا لها قدرة على التفكير ولا الإمعان .. وان احنا شعب غبي قوووي ومن زمان .. بيرسموا الخريطة واحنا ملناش مكان فيها ..وكأن البلد مش بلدنا ..مع أن كل واحد فينا بلده عايشة جواه ..وبتقّولوا إنت يا نور عيني إنسان .. إنسان جميل صبور مثابر وفنان .. شعب لما يثور حيحطم كل الخطط ..وحيتخطى الزمان بزمان .. واسألوا التاريخ القريب والبعيد حيقولك : حصل ..أيوه حصل يا إنسان .. ما هو الغلبان مش حيدنوا طول عمره غلبان .. وعشان كده لازم نعلّم بعض ونتعلّم من بعض وبإمعان .. نتحاور ونتناقش مع بعض بهدوء وبحب كمان .. والموضوعية هي طريقنا لكده يا ابن بلدي يا إنسان ..ونتوحد عشان نقول على نفسنا في جميع الأحوال إحنا كيان .. أيوه إحنا كيان .. وفي الحالة دي بس حناخد النيشان ..
----------------------
د. شهيرة عبد الهادي
17 /3 /2013 م
الإسكندرية
مصر الحبيبة