-----------------------------------------
النهاردة الخميس أول أيام السنة الفرعونية الجديدة 1 من شهر توت سنة 6256 .. الموافق 11 سبتمبر 2014م .. اللي بتحتفل أمريكا بذكراه النهارده ..ذكرى مرور 14 عام على أحداث 11 سبتمبر 2001 ..واللي قال عشانه أوباما النهارده خطاب في الفجر بتوقيت مصر .. كل سنة وانتم طيبين يا أهل الحضارة الفرعونية يا مصريين .. ويا رب يجعلها سنة سعيدة عليكوا .. وبالمناسبة دي .. ياترى لعنة الفراعنة حتلحق بداعش بقى ؟ .. وياترى ما أخبار التحالف ؟ .. و يا ترى ما أخبار مؤتمر جدة ؟ .. ويا ترى مصر حتدخل التحالف ده ولا لأ ؟ .. ويا ترى أمريكا حتتدخل في سوريا بطريقة شكلها إيه ؟ .. ويا ترى اليوم ده حيحمل لنا مفاجآت سارة والا إيه ؟ .. دي بس مجموعة خواطر .. جت لي النهارده .. ويا رب تحل لعنة الفراعنة بأعداء مصر .. و يا رب يحل خير حضارة أجدادنا على شعب مصر ويبقى المصريين في حضارة زي حضارة أجدادهم ..آمبن ..
----------------
د.شهيرة عبد الهادي
