ولإنك يا مولاتي
ورق التوت
وساعات نبوت
بتسند بيكي ف عز البرد
عناقيد الروح
ف وشوش الخلق بتطرح نور
وشواشي القمح اللى بتعجن
فى ماجورنا الدايب م الاشواق
تخبز ف العيش
قوت الحرافيش
والهوي ريان
بيبعتر ديل البنوته
وهموم الناس
والليل السارح على ضهرك
يسبيِّ الجدعان
والكحل الساكن فى مراوديك
ولا ميت فنان ......
والجرح يطيب
فرح و زغاريد
لو كفك خبط على بابيِّ
أو ملّس
على كتف الواد المتشعبط
على سور الآه
بكري جابر
