يعني إيه كلمة وطن ....... بقلم د.شهيرة عبد الهادي ..

الوطن للحب هدف .. 
الوطن للحدود شرف .. 
****
الوطن للحماية أمل .. 
الوطن للحياة  عمل .. 
****
الوطن   للجمال غزل ..
الوطن للإحساس رهف.. 
الوطن للعيش رغد.. 
****
الوطن  للحرية  طريق .. 
الوطن للعدالة صديق .. 
الوطن للكرامة رفيق .. 
****
الوطن للجغرافيا معالم .. 
الوطن للجار غير ظالم .. 
****
الوطن فكرة عميقة .. 
الوطن معنى  ومعاني رقيقة .. 
****
منها المحسوس .. 
منها المجرد.. 
منها اللي على  السرب  يغرد .. 
****
 الوطن للأهل عرض .. 
للولد طهارة .. 
للبنت بكارة ..  
****
الوطن للفنان غنوة .. 
الوطن للشيخ دعوة ..
****
الوطن للشاعر قصيدة .. 
ومعاني  للبذل لصيقة ..
****
الوطن للعالم  عبادة .. 
الوطن للمخلص ريادة ..
****
الوطن كلمة اكتبها جمب كل معنى ..
وارجع تاني وتاني اكتبها في كل مغنى ..
---------------------
د.شهيرة عبدالهادي
16 /4 /2013 مـ
الإسكندرية
مصر الحبيبة

عاوزة اشوفك يا مصر ترجعي تاني غنوة ............. بقلم د.شهيرة عبدالهادي

 
عاوزة أشوفك يا مصر ..
ترجعي تاني ..
في منتهى القوة .. 
للريادة تكوني دايماً ..
زي ما كنتِ زمان .. 
وفي تواضع الإخوة ..
وللعطاء الكبير دون منة ..
على أخي أو على أخوه   هو ..
و في الشهامة للرجولة قوة .. 
وللكرامة أنت المنارة .. 
ولا تقعي أبداً في هوة .. 
عاوزة اشوفك  يا مصر  تاني ..
أم الدنيا وللعالم غنوة  .. 
أم الدنيا وانا منها  .. 
بـ اقولها انا مصري .. 
وانا  في منتهى القوة ..
عاوزة اشوفك يا مصر تاني حلوة .
عاوزة اشوفك يا مصر أجمل  غنوة ..
----------------
د.شهيرة عبد الهادي
16 /4 /2013 مـ
الإسكندرية
مِصر الحبيبة 

آآآآآآآآآآآه يا بلد ........... بقلم د.شهيرة عبدالهادي ..

• 
  
  

  آآآآآآآآآه يا بلد فيكِ الفقير  منسي .. وفيكِ الغني على جثته بيمشي ..

  آآآآه يا بلد .. فيكِ المعايير مقلوبة .. والقيم فيكِ منكوبة ..

  آآآآآآآآه يا بلد فيكِ كله بيضحك على كله .. وكله بيسرق من كله ..

  آآآآآآآآه يا بلد .. فيكِ الفهلوى سوقه ماشي .. والمخلص على راسوا ماشي ..

  آآآآه يا بلد .. فيكِ الحر منداس .. والتابع متشال  فوق الراس ..

  آآآآآآآآه يا بلد .. فيكِ المرؤؤس يتحاسب .. ورئيسه لا يتحاسب ..

  آآآآآه يا بلد ... فيكِ الشريف متهان ... والحرامي له تعظيم سلام ..

  آآآآه يا بلد ..فيكِ من لا يشقى   دايماً كسبان .. واللي  بيشقى فيكِ دايماً خسران ..

  آآآآآآآآه يا بلد .. فيكِ الكبير  بيسرق .. والصغير هو اللي بيتحاسب ..

  آآآآه يا بلد..شبابها البرئ قام بثورة عشان يحميكي .. قتلوهم وقتلوا ثورتهم وبيذلوككِ ..
  
  آآآآآه يا بلد .. فيكِ قصة عجيبة وغريبة ..
  كان فيكِ ثورة زمان ..
  خاف منها كل مان ..
  بيسمي نفسه كبير ..
  كان بيسرق حق الصغير ..
  فـ قام من خوفه م الثورة ..
  إدى الصغير حقه ..
  ما هي الثورة كانت عاوزة ..
  تجيب للصغير حقه ..
  راحت الثورة ..
  ضاعت الثورة ..
  اتقتلت الثورة ..
  رجع المان الكبير  ..
  يسرق حق الصغير تاني ..
  بالذمة مين بقى الكبير ..
  ومين الصغير..
  بالذمة مين بقى المان ..
  ومين اللي مش مان ..
  بالذمة مين بقى القوي ..
  ومين  بقى الضعيف ..
   أكيد عرفتوه ..
  ما هو المان الكبير ..
   كان  هو اللي بيمسمي ..
  الصغير  صغير ..
  والصغير كان بسكوته ..
  عامله كبير ..
   فـ يعمل قوانين وأعراف  ..
  تخليه كبير..
  و يسرق بيها ..
  حق الصغير..
  مع أنه هو اللي صغير  ..
  والصغير هو اللي كبير ..
   مع إن هو اللي ضعيف ..
  والصغير هو اللي قوي ..
   قوم يا صغير ..
  خد حقك م الكبير ..
  مهو الكبير طلع مش كبير ..
  دا طلع صغير ..
  وانت اللي طلعت كبير ..
  يا كبير ..
  ------------
  د.شهيرة عبدالهادي
  16 /4 /2013 مـ
  الإسكندرية
  مِصر الحبيبة
  
  

  

  
  

  
  
  
  
  
  
  
  
  
  
  
  
•