(كلمتن بالبلدي)
---------------------
كل ما يجي .. خبير مروري .. معرفش بقى هو كمان استراتيجي مروري ولا مش
استراتيجي مروري .. يقولك .. عشان تتحل ..أزمة حوادث المرور.. نشكل لجنة
لكذا ولجنة لكذا .. طيب ما فيه مجلس للمرور في مصر من 32 سنة .. ولم ينعقد
إلا مرة واحدة..وطبعاً بيصرف بدل مجلس بقالوا 32 سنة .. على فكرة مصر فيها
آلاف القوانين ..وآلاف المجالس.. وملايين اللجان ..في جميع مؤسسات الدولة
.. اتعملت .. عشان تكون.. سبوبة للعواجيز وبس ..عشان هم مبيشبعوش .. و
فعلياً المجالس دي ..واللجان دي ..مبتعملش
حاجة .. وبتآخد فلوس وخلاص .. البلد دي ماشية بسياسة.. إن خرب بيت ابوك
إلحق خدلك منه قالب وسلك نفسك .. طول ما المسؤول المصري في كل مكان فيكي
يا مصر معندوش ضمير .. طول ما البلد دي ما هتتقدم.. عاوزين ناس عندها ضمير
وأصحاب فكر يا عالم ..عاوزين علم وتعليم وتثقيف يا اهوو..عاوزين علم إدارة
..عاوزين تفعيل للقوانين يا عالم يا اهوو..
-------------------------
د.شهيرة عبد الهادي
المصريون .. هم .. ألد أعداء .. المصريين ..
إذا تصارعت الفيلة .. فلا تسأل عن حال العشب تحت أقدامها..
--------------
د.شهيرة عبد الهادي
والله ما انا عارفة أقول حداد على مين ولا مين ولا مين..يا رب ارحم أبنائنا
وبناتنا.. الذين ماتوا اليوم في البحيرة والذين ماتوا الأيام الفائتة في
سوهاج.. نتيجة حوادث الطرق .. واللي قبلهم .. واللي قبلهم..ووو.. والله
الوضع الحالي.. وما نعانيه.. فوق طاقة أي إنسان.. ولا يتحمله بشر .. فساد
وعدم ضمير واستهانة وإهمال وتواني وتهوين.. في كل مجال .. حتى .. وصلت
للاستهانة بالنفس البشرية.. حرام .. ما نعانيه.. من جفاف ..في كل شئ .. في
العلم في الفكر في الإدارة وووو.. إن بعض أبناء مصر بفسادهم..
أصبحوا.. هم ألد أعداء مصر .. إن إرهاب الفساد يلاحق الأرواح في مصر .. يا
رب الصبر من عندك .. يا عالم يا اهوو.. لا حل.. لهذه البلد.. إلا العدل
والعلم و القانون .. وتطبيقه بصرامة وقسوة ..وتطبيق مبدأ الثواب والعقاب..
على الجميع .. من الغفير للأمير .. والمحاكمات والغرامات والسجن وكل أنواع
العقوبات لكل مُخالِف .. انا قلت قبل كده .. فيه فئة كبيرة من السائقين
والشعب تخاف متختشيش .. إرحمونا يرحمكم الله..
------------------------------
د.شهيرة عبد الهادي
استغاثة إلى اللواء أمين عز الدين مدير أمن الإسكندرية المحترم
-----------------------------------------------------------------------
نسستغيث بحضرتكم .. من " عفاريت الأسفلت" .. سائقي الميكروباس .. من
العجمي البيطاش إلى الإسكندرية .. وبالعكس ..و بدون مبالغة .. فإن ..
طريقة .. مخالفة سائقي الميكروباس .. في السير في طريق العجمي الإسكندرية
.. سواء على الدولي أو عن طريق البلد.. طريقة تؤدي إلى الموت .. حيث أنهم
يجعلون الطريق اليمين شمال .. والطريق الشمال يمين .. ناهيك.. عن الحركات
البهلوانية.. التي يقومون بها .. وهم .. يعملون.. يو تيرن .. في نفس
الشارع.. ثم يعودون بظهرهم .. في نفس الشارع .. أرجوكم انقذوا أهالي منطقة
العجمي البيطاش .. وغيرها من مناطق العجمي والكيلو 21.. إن طريق العجمي
الإسكندرية.. بطريقة.. سياقة.. السائقين.. أصبح.. مؤهلاً.. ليكون طريق
الموت فعلاً ..ناهيك عن تعدياتهم بألفاظ غير محترمة.. وإسماع الركاب..
شتائم جنسية غير لائقة.. والقيام.. بالتعدي على نهر الطريق ورفع الأجرة
كما يريدون واستغلال العام الدراسي وحاجة الطلاب للذهاب إلى مدارسهم
وكلياتهم .. و قيامهم بعمل.. أكثر.. من صف لسياراتهم .. في نفس الشارع
لدرجة لا تستطيع معها أي سيارة السير في الشارع إلا بصعوبة بالغة .. آسفة
أن أقول.. أن فئة كبيرة من السائقين .. تخاف متختشيش.. الفوضى تعم كل
مكان.. أرجوكم فعَّلوا القانون .. القانون.. القانون .. سأقولها .. ثانية..
يخافوا ميختشوش .. لن يرتدعوا .. إلا بالقانون الصارم.. أرجوكم القانون
الصارم ..
------------------------------
د.شهيرة عبد الهادي
