من
الموضوعات التي آلمتني جداً اليوم 15 / 8 / 2014: كنت أقوم بتهنئة : أخ
فاضل : بيوم ميلاده : هو الأستاذ فراس حمودي الحربي : رئيس مجلس إدارة
ورئيس تحرير وكالة أقلام العراقية : فإذا بي : أجد أنه قد توفاه الله : منذ
6 أشهر : اختلطت مشاعري : وطلبت له الرحمة : وتركت له بوست التهنئة أيضاً
على صفحته الشخصية : فهو: حي في قلوبنا :ومن الأشياء الجميلة أن أصدقاء
صفحته هم من يردون على البوستات ويبلغونا بالخبر بمنتهى الأريحية :
الله يرحمه: وهذه هي الدنيا : وإنا لله وإنا إليه راجعون
------------------
د.شهيرة عبد الهادي
( رداً على مبارك )
كام سؤال من نوع خفيف !!
.................................
وانت قاعد بين عيالك
افتكرت عيالنا مرَّة ؟
وانت ماشي كل يوم
وِسْط حُرَّاسك مِتابع
شُفت أطفال الشوارع ؟
وانت بتلف القصور
شوفت أحياء ف القبور؟
وانت بتعيّن وزير
قلت له حق الفقير؟
وانت عايش طول حياتك
والحياه وردي وحلوة
شفت تعذيب معتقل
من امن دولة ؟
لمَّا كان دايما يجيلك
ميَّه صافية
شُفت طفله ماشيه حافية ؟
وانت بتراجع حسابك
فيه مئات أو مليارات
شفت ف الجوع شعب مات ؟
يا اللي كان يرتاح ضميرك
فوق مخدَّه حرير وريش
سِبت إيه للناس تعيش ؟
لو ماكنتش يبقى همَّك
كل مصري يعيش كريم
كنت ليه عامل زعيم ؟
..............................
فاطمة المرسي
ديوان / انتباه يامصر
نشر هذا البوست للأستاذ عاطف عواد في الذكرى الأولى لفض رابعة والنهضة في 14 / 8 / 2014: وأنا لا أعرف شئ عن سعادته: لكن عموماً : كان هذا تعليقي على هذا المنشور: وعلى كلام روبرت فيسك وكلام عمرو دراج على قناة الجزيرة في نفس الذكرى : وتعليقي هو : لكم
كتبت أنا قبل ذلك : و والله الذي لا إله إلا هو : ليس مجرد كتابة وكلام
وفقط وإنما مبادئ وقيم : أن " الدم المصري كله حرام : سواء: إخواني سلفي
ليبرالي علماني ناصري اشتراكي ثوري اشتراكي ديموقراطي مسلم مسيحي يهودي
سني شيعي بهائي وحتى وإن كان ليس
له دين جيش شرطة قضاء مدني غير مدني من كل مؤسسات مصر : ما دام إنسان
فهو دم حرام " والجميع مسؤول : كل من ذكرتهم وجميع قياداتهم التي غررت
بالشباب واستغلت فورته الشبابية : وهل يخلق الصراع غير الدم : نحن من 3
سنوات وكل الأحاديث تتكلم عن الدم وقطع الرقاب : وما كنا نسمع عن لغة الدم
هذه قبل السنوات الثلاث السابقة : وحرام ما حدث وما يحدث لمصر والله :
لكن ما دام هناك صراع بين الإخوان والجيش ( مع ملاحظة أنه لا يجب اختزال
الوضع في مصر على أنه صراع بين الإخوان والجيش في مصر لأن مصر أكبر من ذلك
بكثير ) : ربنا يستر على مصر بجد : مع ملاحظة : أنه : في نفس البرنامج
مع نفس المذيع و في اللقاء الذي بعد لقاء روبرت فيسك : قال عمرو دراج :"
نحن مستمرون حتى يسقط الانقلاب : ونحن صامدون حتى يسقط الانقلاب : يعني
مفيش فايدة : واستمر عمرو دراج يقول : : وانا قرأت عن 300 انقلاب ومنهم
100 سقطوا : والقراءة أثبتت أنه إذا صمد الشعب لمدة 6 شهور فإن الانقلاب
سيسقط : لأن الانقلابات مدة سقوطها من سنة إلى 3 سنوات : يعني إحنا مصممين
على إسقاط الانقلاب ": وأنا شهيرة أقول :بعد ما سمعت كلام روبرت فيسك
وكلام عمرو دراج : ربنا يستر على مصر : وموضوع فض رابعة لا يجب أن تتم مناقشته إلا في ضوء سياقه :بمعنى الأحداث التي كانت قبل الفض لسنة كاملة والأحداث التي جاءت بعد الفض لشهور كاملة بل وحتى الآن :
-------------------
د.شهيرة عبد الهادي
من
نصف ساعة تقريباً اليوم الخميس 14 / 8 / 2014م بالصدفة وانا باقلب في
التليفزيون : كان فيه برنامج معرفش إسمه :لمذيع مصري على قناة الجزيرة
مباشر شكله معروف بس بردوو معرفش إسمه: كان مستضيف روبرت فيسك : عشان موضوع
فض رابعة : وكان شعار البرنامج زي ما هو عامله محرقة مجزرة مذبحة رابعة:
ما لفت نظري : أن:روبرت فيسك قال :أنا كنت الأول مبحبش مصر : ولما شفت ثورة
25 يناير 2011 حبيت مصر وحبت زوجتي وجيت أزور مصر
: عشان الشجاعة اللي كانت عند المصريين في ميدان التحرير : دلوقتي أنا مش
عارف الشجاعة دي راحت فين : وسأل المذيع : إنت تعرف الشجاعة دي راحت فين ؟
رد المذيع قاله : لأ : رد روبرت فيسك وقال :وأنا كمان معرفش الشجاعة دي
راحت فين؟ : قام المذيع باصص ناحية جمهوره : قام الجمهور بدأ يهتف " يسقط
يسقط حكم العسكر يسقط كل كلاب العسكر يسقط عبيد البيادة والكلام والشتائم
اللي حضراتكم عارفينها " : قام المُذيع بص لروبرت فيسك وقاله: هي دي
الإجابة اللي انت عايزها : قام روبرت فيسك انفعل جداً وقال بصوت مرتفع جداً
لحد الصراخ : الآن الآن الآن : مش هو ده المطلوب : ما انتوا قلتوا كده قبل
كده في ميدان التحرير لغاية ما مبارك مشي : واتضح أن مشيان مبارك مش هو ده
المطلوب ومش هو ده الحل : إنتوا عاوزين دولتكم يبقى شكلها إيه: وإلى هنا
انتهى كلام روبرت فيسك : يا رب تكون الرسالة واضحة : :
-----------------
د.شهيرة عبد الهادي
