كلمتين بالبلدي
=========
صحيح ..بـ انتقد .. الأوضاع في بلدي .. و بـ انتقد ..الأخلاق في بلدي .. وبـ انتقد سلوكيات شعب بلدي .. بس .. والله .. الشعب المصري .. دهون .. حكاية .. لا تُكتب .. لكي .. تُقرأ فقط .. وإنما .. تُحكى على .. ربابة القلب والعقل .. وما بينهما من علاقة .. الإدراك والمُدَرَك والمُدِرِك ..لكي .. تعرفها وتعزفها .. الأجيال المصرية المٌتعاقبة .. يا آخي .. تُخرج الشارع .. تلاقيك .. بتسب وتلعن م اللي بتشوفه م الشعب ده .. تفكَّر في اللي عمله .. في التلات أو الاربع سنين اللي فاتوا لغاية دلوقتي .. تنحني له احتراماً وتقديراً .. شعب مُحير .. صابر ومش صابر .. عنيد ومش عنيد .. ساعات يعمل عبيط وهو ابن لذينة .. ءأقولك إيه بس يا شعب مصر .. إنت مين بالظبط ؟.. ءأقولك انا .. إنت مين ؟.. إنت شعب مصر .. تعيش يا شعب مصر..
-------------------------
د.شهيرة عبد الهادي
