لاتدنس إيمانك بطمعك في المخلوقين .. لـ .. بن عطاء الله السكندري ..من منشورات دكتور سويفي السويفي

قال الشيخ أحمد ابن عطاءالله :
================
أيها العبد :
لاتدنس إيمانك بطمعك فى المخلوقين ..
و لا تجعلن اعتمادك إلا على رب العالمين ..
فإن اعتززت بالله دام عزك بدوام من اعتززت به ..
وإن اعتززت بغيره فلا بقاء لعزك ..
إذ لا بقاء لمن أنت به معتز ..

____________________
 المصدر : التنوير فى إسقاط التدبير

ياااااه إيه رأي حضراتكم بقى .............

يتشدقون بكلماتٍ رنانة ..
في حُب  الوطن  .. 
فإذا ما رأيت ..
وتابعت أفعالهم  .. 
تأكد  لك  خيانتهم ..
لهذا الوطن .. 
الذي هو منهم براء ..
إبتعدوا عن وطني ..
أيها  الدخلاء الجهلاء ..
------------------------
د.شهيرة عبد الهادي

هو مش ممكن الموضوع ده يكون له حل في مصر ام الدنيا..بقلم د.شهيرة عبد الهادي

رسالة إلى اللواء أركان حرب طارق المهدي محافظ الإسكندرية
------------------------------------------------------------
توجد ظاهرة في العجمي البيطاش شهر العسل بالإسكندرية ..وهي "ضرب الألعاب النارية" ..وأحيانا ضرب " النار الحي" في الأفراح ..خاصة وأن العجمي بها عشرات الأفراح يومياً ..ويا رب يكتر الإفراح لكل المصريين .. لكن نظراً لأن "العرب" هم تقريباً كل أصحاب العجمي ..كما يقال في كل وقت وحين .. ودي من عاداتهم .. فالفرح الواحد بيمتد لأكثر من إسبوع .. وفي كل يوم من أيام هذا الإسبوع.. يبدأ ضرب النار ده ..من الساعة الثانية بعد الظهر.. وحتى اليوم التالي في الخامسة صباحاً ..وهكذا دواليك .. والسماء كلها والله بتبقى مولعة و مليانة دخان.. وكمان إحنا بنخاف.. ونقفل الشبابيك والبلكونات ..خوفاً من دخول أي شاظية ولا حاجة في عين الواحد.. عن طريق الخطأ ..أو يحصل أي حاجة تانية .. والله في إحدى الأيام صحينا من النوم ..واعتقدنا أن أسلاك الكهرباء كلها ولعت في بعضها ..وأمي الطاعنة في السن حصلت لها حالة نفسية ..ناهيك عن الشوادر المنصوبة وملايين اللمبات المولعة ليل نهار والـ " دي جي" اللي شغال بالنهار والسييطة اللي شغالين بالليل للفجر .. أعلم أنها ظاهرة قد انتشرت .. لكن .. هو مش ممكن الموضوع ده يكون له حل في مصر ام الدنيا..
---------------------------
د.شهيرة عبد الهادي

تمنياتي بالتوفيق لكل طلابي وطالباتي في دور سبتمبر .... بقلم د. شهيرة عبد الهادي

إن شاء الله ستبدأ اختبارات دور سبتمبر غداً السبت 6 / 9 / 2014م.. في كلية التربية بالإسكندرية وكلية التربية فرع مرسى مطروح .. أتمنى التوفيق والنجاح لطلابي وطالباتي الذين لديهم دور ثانٍ ..وأرجوكم "ذاكروا بقى وانجحوا المرادي" عشان تخلصوا ..
----------------------
د.شهيرة عبد الهادي 

( كلمتين بالبلدي) يوم الظلام في مصر .......... بقلم د.شهيرة عبد الهادي

كلمتين بالبلدي
=========
النور كان مقطوع اليوم الخميس 4 / 9 / 2014 م ..من الصباح وحتى العاشرة صباحاً في جميع أنحاء الجمهورية تقريباً يعني حوالي 4 ساعات وفي مناطق آخرى 5 ، 6 ،7 ساعات متواصلة.. أو للموضوعية لنقل في معظم محافظات الجمهورية .. وما زال ينقطع في فترات تقريباً كل ساعتين في المنصورة واسكندرية اللي انا عارفاهم عشان متابعاهم .. وطبعاً المية بتتقطع بالتبعية .. يعني جحيم لا ماء ولا نور .. وما بالك بقى بالمستشفيات والمصانع ووووووو والمليارات التي خسرتها الدولة في هذا اليوم .. وهذا أمر غير مقبول .. ويجب إقالة وزير الكهرباء .. ويجب إعادة النظر في الحكومة وفي طبيعة العمل في جميع المؤسسات بالدولة .. والمحاسبية يجب أن تتم للجميع بداية من العامل البسيط في كل مؤسسة وحتى أكبر قيادة فيها .. على الإهمال وعدم الضمير وعدم تحمل المسؤولية ..  وبالعدل والحق والعلم ستتقدم مصر .. وقد حان الوقت  لتطبيق  علوم الإدارة   والأخذ بمبدأ القياس  ومبدأ الثواب والعقاب  واحترام القانون والنظام والنظافة في كل شئ.. والاستفادة من علم الإدارة والادارة الاستراتيجية ووضوح الرؤية والرسالة  فعلاً لا ملصقات تعلق على الجدران  ..  و من ضمن المأساة اللي احنا عايشنها .. إن أحد المسؤولين .. بيقول : "أن الشهر اللي جاي .. شهر سبتمبر .. حتكون فيه الدنيا برد شوية .. والكهرباء مش حتقطع ".. شايفين حضراتكم العلم اللولبي الجهنمي اللي احنا فيه ؟ .. وبعدين مش وزارة الكهرباء دي من أكثر الوزارات إعطاء رواتب وحوافز لكل من يعمل بها وهي من أعلى الدخول في مصر مثل البترول والاتصالات ؟.. مفيش فايدة
---------------------------
د.شهيرة عبد الهادي