الأربعاء، 2 يوليو 2014

(كلمتين بالبلدي ) نفسي ومنى عيني .. بقلم د.شهيرة عبد الهادي

كلمتين بالبلدي
=========
نفسي ومنى عيني .. قبل ما اموت.. واحنا في شهر رمضان المبارك ..شهر الانتصارات على النفس .. لما آجي اتفرج على برنامج للعرب.. سواء كانوا .. مسيحيين..ولا مسلميين .. ألاقيهم بيناقشوا .. هم انتصروا على نفسهم في إيه ..هم وصلوا لإيه في العلم.. وتقدموا لغاية فين في البحث العلمي.. وإيه هي اكتشافاتهم العلمية الحديثة .. اللي بتخدم البشرية كلها .. إيه هي أساليبهم التربوية العلمية الحديثة ..التي تساعد في تقدم العالم .. مش كل الكلام على .. الجواز في المسيحية .. والجواز الكنسي .. والجواز عند الأرثوزوكس ..والجواز عند الكاثوليك.. والجواز في الإسلام .. والجواز عند السنة.. والجواز عند الشيعة.. والجواز المدني .. وجواز المتعة .. وجواز المسيار.. وجواز المسافر.. والجواز العرفي .. والمتعة هي إيه .. واللي مش متعة هي إيه ..والعرفي هو إيه .. واللي مش عرفي هو إيه.. والمدني هو إيه ..واللي مش مدني هو إيه .. والمسافر هو إيه .. واللي مش مسافر هو إيه .. هو مفيش حاجة عند العرب يتكلموا فيها إلا الكلام ده :
-----------------
د.شهيرة عبد الهادي

المسحراتي ............أحمد فؤاد نجم



يللى صاحيين فى البيوت

يللى كاشفين المـــــــكان

يللى سامــــعين السكوت

يللى واعـــــــيين للزمان

استعدوا للقيـــــــــــــــام

استعدوا للقيــــــــــــــــام

واقبلــــــــــوا منى الكلام

مصر نايمـــــة من سنين

وحّـــــــــــدوه يا مؤمنين

( المسحراتى .. أحمد فؤاد نجم)