(مواقف حياتية )..أنا ومريم والانتخابات ... بقلم د.شهيرة عبد الهادي

من المواقف الجميلة البريئة التي حدثت في أسرتي الكبيرة أنا وإخوتي أشقائي اليوم الإثنين 26 / 5 / 2014 م.. والتي جعلتني أفكر في مدلوله .. سامحوني بأى .. ما هو اللي زي حالاتي مبيفوتش موقف إلا لما يفكر فيه .. أعمل إيه بقى نصيبي كده.. تلك المكالمة التي حدثت بيني وبين الجميلة مريم إبنة أخي ..تلك الطفلة الجميلة البريئة العسولة أوي " مريومة" واللي انا بحبها واموت فيها أوي.. كلمتها على موبايلها .. وطبعاً كانت لسة نايمة الست هانم لغاية الساعة 12 الظهر .. وصحيت م النوم .. وكلمتني .. وبعد السلام والذي منه .. سألتها .. حتنتخبي مين يا مريومة .. قالتلي .. إيه يا عمتو .. أنا لسة صغيرة يا عمتو وعندي تسع سنين ونص بس .. لما اكبر ويبقى عندي 17 سنة .. حاعمل بطاقة .. وانتخب السيسي ..
------------------
د.شهيرة عبد الهادي

كلمات راهب الفن ..............

يقول علي بن أبي طالب - رضي الله عنه - ............

أول انطباع عن الانتخابات الرئاساسة 2014 م بين كل من الأستاذ حمدين صباحي والمشير السيسي ...

بابص من بلكونة بيتي دلوقتي على المدرسة اللي هي في شارعنا .. وهي فيها لجنة انتخابية اليوم الإثنين 26 / 5 / 2014م .. بمنتهى الأمانة والصدق .. بالنسبة لمثل هذا الوقت من التصويت  في الصباح .. الساعة 9:31 صباحاً.. لم أشاهد مثل هذه الطوابير في أي انتخابات سابقة .. ومعمول لهم تندة من الحر .. تندة قماش كده غلبانة .. واللي شفتهم من الرجال فقط .. لا أعلم .. السيدات فين ؟.. والله أعلم باقي اليوم حيكون شكله إيه ؟.. وكمان اللي شفته في مدرسة واحدة .. الله أعلم بباقي اللجان؟ .. أنا لسة منزلتش ..
---------------
د.شهيرة عبد الهادي