سائقي
" الميكروباص " وسائقي " التمناية " أو كما يسمونها " التوناية" وسائقي "
التكتك" في الطريق من الأسكندرية إلى العجمي والعكس .. يسيرون مخالفين عكس
الطريق عشان يختصروا الطريق " يعني الطريق اللي رايح يكونوا هم جاي والطريق
اللي جاي يكونوا هم رايح ".. ويا ريت على كده وبس .. دا كمان بيكون ماشي
عكس الطريق وبيمشي بظهره كمان .. يعني مُصيبة سوداء .. لأنه ممكن يحصل حادث
بسهولة جدا.. وإذا قلت له حضرتك غلط يا إبني .. خاف على نفسك وعلى الأرواح
اللي معاك .. يرد يقول " حرام إيه ياحاجة قال
حرام قال " .. أو بقولك " صلي على النبي بقى يا حاجة بقولك إبه " .. أو
يقولك " بقولك إيه ياحاجة فكك بقى يا حاجة فكك بقى ".. هذا غير الألفاظ
النابية التي تصدر منهم وكمان التي تملأ الشارع المصري والتي يندى لها
الجبين .. بجد .. نحن في حاجة للشرطة ويقوة .. للأسف بعض الفئات في جميع
المستويات من الشعب المصري أثبتت أنها لابد وأن يُسّلط على رقبتها سيف حتى
تتقي الله في الناس وتعمل بدون مخالفات وتعمل صح وتشتغل صح .. وكم أتمنى أن
تكون في الشارع المصري شرطة إسمها "شرطة أخلاق " .. تقوم بعمل عقوبة لمن
يملأون الشارع المصري بفواحش القول التي تجرح حتى الرجل قبل المرأة .. يا
خسارة على الشارع المصري يا خسارة ..
------------
د.شهيرة عبد الهادي
