المدونة شعارها " من يُحب الله يخشاه ويخافه في السر والعلانية وحب الوطن هو من حب الله "..
وهي اجتماعية سياسية اقتصادية فنية أدبية ثقافية شاملة تنشر الشعر اازجل القصة الرواية القصة القصيرة والمقالات..تعرض ما يمن به الله على صاحبتها من إنتاج يرتبط بمجال الفكر والتفكير والخواطر والشعر والمقالات والأجناس الأدبية المختلفة ..وأيضا من إنتاج النبغاء من بني وطني والعالم أجمع..تتوخى المصداقية والشفافية والحيادية..تنشد التنوير والتثقيف والتعلم والتعليم..
اللهم
يا من جعلت عيسى بلا أب ..و جعلت سليمان يكلم من يأكل الحَب .. و نصرت موسى
على من قال أنه الرب .. و أحببت محمد حب ليس بعده حب .. و حميت مريم من
القذف و السب .. أسالك الستر والصحة والعافية يا رب .. وأن لا تحوجني لأي
مخلوق في هذه الدنيا الفانية يا رب .. وأن لا تحوجني إلا لك أنت يا
رب .. وأن تعينني على تقواك وخشيتك أنت يا رب .. وأن لا أطلب ما أحتاج
إلا منك أنت يا رب .. و أن تنعم عليَّ بنعمك التي تريدها لي أنت يا
رب .. بعطائك عطاء الإلاه عطاء الرب .. ..
ياما قلبي قال لي لأ ..وانا الاوعه
.. لما قلبي انشق شق قلت اطاوعه .. كلمة مني وكلمة منه.. اللي خاني تبت عنه .. حتى لو يوم قلبي رق .. مش ها اطاوعه .. كل نوبه ف توبة .. ويقول لي سماح .. يبقى قلبي يقوللي ..لأ لأ لأ دا خاين .. انسى حسرة قلبي واطويله الجناح
.. والدموع تجري وهجري في عينه باين
.. انسى ساعة ما يصافيني .. وافتكر لما يجافيني
.. خلي حبي لحد تاني حد يستاهل حناني
.. حتى لو يوم قلبي رق
مش ها اطاوعه .. يا ليالي يا ليالي خبي حبي.. في بحورك البعيدة يا ليالي
.. انا حبيته وما قدرتش اخبي .. وعاهدته وهو خيبلي آمالي .. بكره هايجرب قسايَا ..وانا بتهنى بهوايَا
.. خلي حبي لحد ثاني حد يستاهل حناني
.. حتى لو يوم قلبي رق
مش ها اطاوعه
.. لو مشيتلي خطوة ها ابعد خطوتين
.. ياللي من غير قلب سيب قلبي في عذابه.. كنت فين من بدري قول لي كنت فين
.. واحنا الاثنين حبنا لسه في شبابه
.. دبلت الوردة الجميلة ما بقاش في اليد حيلة
.. خلي حبي لحد ثاني حد يستاهل حناني
.. حتى لو يوم قلبي رق
مش ها اطاوعه .. ياما قلبي قال لي لأ ..وانا الاوعه
.. لما قلبي انشق شق قلت اطاوعه .. كلمة مني وكلمة منه.. اللي خاني تبت عنه .. حتى لو يوم قلبي رق .. مش ها اطاوعه .. -------------------------------------------- الأغنية دي اللي كتبها صلاح جاهين واللي لحنها كمال الطويل ..لما تشوف
الكلمات مش ممكن تصدق أنها لجاهين..وتلاقيك بتكلم نفسك ..هو ازاي كتب
الكلمات دي ..ولما تسمع اللحن تلاقيك بتقول لنفسك هو الطويل لحن الكلمات دي
ازاي ..ولما تسمع أداء فايزة أحمد بصوتها وتنهيداتها وسهدها وهي بتغني
الكلمات وتشدو مع اللحن .. لازم تقول لنفسك هي ازاي غنت الكلمات دي ..
أغنية تجسد العزة وعدم الخنوع في الحب ..حقاًً لقد كان زمن العمالقة ..
اتفضلوا اسمعوا واستمتعوا .. تحفة بجد ..
نجاة .. قلبك راح فين كلمات عبد المنعم السباعي اللحن .. كمال الطويل قلبك راح فين راح فين قلبك راح فين راح فين انا مش لاقياه ولاشفت يومين في الحب معاه قلبك قلبك راح راح فين قربك بيسعدني والقرب مافيش وقليل بتوعدني وكتير ماتجيش ياللي انت حبيبي وخايلني بحبك دي النار ياحبيبي ولا قسوة قلبك يااغلي من العين .. راح راح فين قلبك راح فين راح فين انا مش لاقياه ولاشفت يومين في الحب معاه قلبك قلبك راح راح فين لوعني هواك ويارتني ماشفتك ظالمنَّي معاك من يوم ما عرفتك ياما قالوا عليَّ وقالوا لي عليك دي الفتنة أسية والحق عليك ياللي انت حبيبي وخايلني في حبك دي النار ياحبيبي ولا قسوة قلبك يااغلي من العين ..راح راح فين قلبك راح فين راح فين انا مش لاقياه ولا شفت يومين في الحب معاه قلبك قلبك راح راح فين تهجر وتهاجر والبعد يطول وتفوتني يا غادر ولا كلمة تقول
يا حبيبي يا قاسي دوبت القلب يا فايتني وناسي عهدك في الحب
ياللي انت حبيبي وخايلني بحبك دي النار ياحبيبي ولا قسوة قلبك يا اغلى من العين راح راح فين قلبك راح فين قلبك راح فين انا مش لاقياه ولا شفت يومين في الحب معاه قلبك راح راح فين
مواقف حياتية وأصدقاء تعلمت منهم ( 3 )..
.مما لاشك فيه أن ربنا أسعدني وحباني ووهبني مجموعة من الأصدقاء من أجمل
وأنبل ما يمكن .. باتمنى أنني أكتب مقالة عن مآثر كل منهم .. وربنا يقدرني
.. ومن الشخصيات الجميلة جداً التي تعلمت منها معنى الصداقة الحق والوفاء
للمفهوم والفكرة عند الإنسان وللإنسان .. شخصية أخي الدكتور مهندس محمد
القلا المحترم ..إبن محافظتي و بلدي وقريتي .. الدكتور القلا بالبلدي كده
.. رجل ولا كل الرجالة .. مؤدب أدب الرجال راقي مثقف محترم متدين غير
متشدد مؤمن بالعلم له مباديء في حب الوطن
لا يحيد عنها .. وفيه صفة نادرة الوجود الآن .. وهي " الشهامة " .. الدكتور
محمد كان عموداً رئيسياً من أعمدة " ملتقي محبي الله والوطن " الثقافية ..
كان شهماً .. ثقافياً وعلمياً.. نعم فللثقافة شهامة ..وللعلم شهامة
..وللرجولة شهامة .. فكان لا يبخل على الملتقى بثقافته ولا بعلمه .. فقد
قام بعمل مكتبة ثقافية للملتقى وكان يُحِّمل فيها الكتب والروايات التي
يطلبها الملتقى وكان يناقش ويضيف للملتقى ويقوم بإدارة الندوات
الثقافية التي كانت تعقد فيه .. ثم أنه كان لا يتأخر عن الملتقى بصفة عامة
في أي شيء وعني أنا شخصياً بصفة خاصة إذا ما احتجت إليه .. بل كان يبدي
النصيحة لي دون أن أطلبها أنا منه .. وتشعر منه بكل الإخلاص في إبداء
النصيحة وكل الأدب والوقار وهو يقولها .. الدكتور محمد اتصل بي من خارج مصر
في محنة مرضي أكثر من مرة .. ودائماً أشعر منه بأنه يبحث عن كل ما فيه
مصلحة لي .. فـ هو الوفاء بعينه هو المحبة التي هي لله في لله بعينها هو
الإنسانية بعينها .. ألف شكر يا دكتور محمد القلا .. الله يبارك لك في
أسرتك وزوجتك وأولادك .. لقد تعلمت من حضرتك معنى الوفاء الحق معنى
الشهامة الحق معنى الرجولة الحق معنى الأدب والأخلاق الحميدة الحق معنى
العطاء بلا مقابل سوى الاحترام المتبادل .. DrMohamed AlQalla ------------------------------------------------ د.شهيرة عبد الهادي 25 / 3 / 2017 م Drshahera Abd Elhady Ibrahem
