السبت، 6 ديسمبر 2014

بمناسبة فوز الأهلي في الكونفدرالية .. بقلم د.شهيرة عبد الهادي

بالصدفة شفت البوست ده بالصورة دي في أحد المواقع ..و لما شفت التعليقات اللي عليه.. من شباب الزمالك .. وردود شباب الأهلي عليهم .. اللي فرحان بفوز ناديه في الكونفدرالية .. أيقنت.. أن أمامنا آلاف السنين..حتى نتقدم بجد.. وعرفت ليه إحنا شعب بيكره حتى نفسه.. وليه حصلت الانقسامات الفظيعة بين الشعب المصري.. وليه ثورة يناير لم تؤتي ثمارها حتى اليوم.. من كم الشتائم الجنسية والألفاظ القذرة الحقيرة اللي بيشتموا بيها بعضهم البعض في تعليقاتهم على البوست ده.. من الطرفين .. بجد مستوى يدل على ضيق الأفق.. وعلى السطحية.. وعلى الانحطاط الأخلاقي.. وعلى الانحدار الثقافي.. وعلى عدم احترام ثقافة المكسب والهزيمة.. وعلى عدم الانتماء لمصر..ضيق أفق ضيق أفق ضيق أفق غير معقول .. وقلة أدب وسفالة وجهل وعدم تعليم وعدم ذوق.. وعرفت أن عمرنا ما حنكون حاجة في يوم من الأيام .. ما دمنا على هذا المستوى الأخلاقي المنحط .. يا خسارة بجد يا مصر..(وطبعاً أنا مش حاقدر أضع لينك البوست الأساسي هنا بتعليقاته التي تحتوي على هذا الكم من الألفاظ التي تدل على هذا الانحطاط الخلقي ) ..
-------------------------
د.شهيرة عبد الهادي