=================================
شوفوا بقي يا حبايبي .. أنا مش مرتبة كلام هاقوله لكن هقول الكلام اللي يطلع من قلبي علطوول .. هاقول كل ستة وكل أم في ( ملتقى محبي الله والوطن ) وهي في خير وسعادة وهناء بمناسبة عيد الأم .. ويا ريت متنسوش تتصلوا بأمهات الشهداء اللي أرقامهم موجودة بين إيديكم في الملتقى ..لا تتخيلوا مدى سعادتهم بيا لما اتصلت بيهم امبارح و إن شاء الله هاكمل الاتصالات النهارده ..لأن بعضهم كانت تليفوناتهم مقفولة ..وعاوزة أقول لكم ..أن بعضهم في حالة صعبة قووي ..يعني واحدة فيهم قالتلي العزاء لا يجوز بعد 3 أيام وعمالة تكح ومش قادرة تتكلم خالص ..يعني هي مش دريانة أصلا أن ابنها مات شهيد من أكثر من سنة .. رديت وقلتها يا أمي أنا باهنيكي مش باعزيكي وباقولك كل سنة وانت طيبة يا أم الشهيد يا أعظم أم في الدنيا .. يا حبايبي الأم دي المخلوق الوحيد في الدنيا اللي يعطي بلا مقابل ..ويتمنى أن ولده يكون أحسن منه .. وأم الشهيد دي ضحت بابنها وبنتها عشان احنا نعيش ونقعد ونكتب مع بعض دلوقتي على الفيس .. والله أنا حاسة بيها وأتمنى أن نحول أعيادنا إلى تصرفات إيجابية .. وليس مجرد كلمات وانصالنا بأم الشهيد يعتبر أبسط عمل ممكن نعمله لها في هذه المناسبة .. وأتمنى لكل أم في الدنيا الصحة والسعادة وأن ربنا يفرحها بأولادها .. صحيح أنا ربنا لم ينعم عليا بنعمة الأمومة لحكمة هو يعلمها وأنا راضية لكن والله شعور الأمومة جوايا علطوول .. ووالله العظيم أنا باعتبر كل شهيد إبني .. وكل بنت وكل ولد هم أبنائي وباحبهم قوووي وحاسة بأم الشهيد قووي .. وباحبكم يا اللي في الملتقى قوووي ..وباعتبر كل اللي في الملتقى أبنائي وبناتي حتى ولو كانوا قدي في السن .. لأن مشاعر الأمومة ربنا خلقها جوة كل بنت وست.. وربنا اللي أنا حلفت بإسمه يعلم وحده الحالة اللي أنا فيها وأنا بكتب بهذه الكلمات وأن دموعي بتنزل مني وأنا مش حاسة .. وفي الآخر .. لا أجد أفضل من كلمات أغنية ست الحبايب ..لأهديها لكل أم -لأنها أفضل ما تم كتابته في عيد الأم
وأقول لكل أم مريضة وأقول لأمى (شفاكي الله من كل سقم وأمهات العالم أجمع):
---------------------------------------------------------------------------------------
21 / 3 / 2012 م
ست الحبايب ياحبيبه يااغلى من روحي ودمي
ياحنينة وكلك طيبة يارب يخليكي يا أمي
زمان سهرتي وتعبتي وشلتي من عمري ليالي
ولسه برضه دلوقتي بتحملي الهم بدالي
انام وتسهري وتباتي تفكري
وتصحي من الآدان وتيجي تشقري
تعيشي لي ياحبيبتي يا أمي ويدوم لي رضاكي
أنا روحي من روحك انت وعايشه من سر دعاكي
بتحسي بفرحتي قبل الهنا بسنة
وتحسي بشكوتي من قبل ماأحس أنا
يارب يخليكي ياأمي يارب يخليكي ياأمي
لو عشت طول عمري أوفي جمايلك الغاليه علي
أجيب منين عمر يكفي وألاقي فين أغلى هدية
نور عيني ومهجتي وحياتي ودنيتي
لو ترضي تقبليهم دول هما هديتي
يارب يخليكي ياأمي ست الحب
