الصمت أحياناً هو اعتراض على الظلم .... بقلم د.شهيرة عبد الهادي

كثير .. بيكون .. الواحد مظلوم .. ويلتزم الصمت تماماً .. وهذا ليس ضعفاً .. وإنما صورة من صور الاعتراض على ما يحدث .. و الصمت بيحدث ليه .. لأن الواحد .. تعب من كتر الكلام والمطالبة بالحق ومن كتر الاعتراض .. و كانت محاولات الإصلاح كتيرة ومتنوعة .. لكن كانت بدون فائدة .. و جماعة الشر التي  تحاربك و تحبطك .. مش عاوزين يعرفوا كده .. أو عارفين كويس قوي ده .. بس هم .. ميهمهمش .. ليه .. لأنهم قد استمرأوا الظلم .. وعايشين بيتنفسو الظلم .. وبيأكلوا عيالهم من الظلم ..
------------------------
د.شهيرة عبد الهادي

( مواقف حياتية ) المُذيع والفرخة ......... بقلم د.شهيرة عبد الهادي

مواقف حياتية
========
مُذيع ولا مُقدم ..برنامج مانشيت ..اليوم الإثنين 4 / 8 / 2014 م على قناة أون تي في .. جايب فرخة مشوية بالعيش بتاعها .. وقعد يفسخها بإيديه .. على الشاشة أمام المشاهدين .. للاستشهاد بها على خبر لأحد الصفحيين .. بيقول : "أن الشاطر بيحب يآكل الصدور ولا يحب أكل الوراك في الفرخة ".. طيب .. إذا كان الخبر قبيح والمذيع قد استنكره فعلاً .. نقوم .. نستشهد .. بمنظر أقبح منه .. يا ريت المُتخصصين.. في مجال الإعلام .. يقولوا .. لنا .. ما أهمية الفرخة هنا .. ما أهمية الإتيان بفرخة مشوية وتفسيخها بإيديه أمام المشاهدين .. وكمان عمَّال بيبلع في ريقه وهو بيبص للفرخة شوية ويبص للكلام المكتوب في المقال شوية وده طبعاً لأن منظر الفرخة جوعه .. هل هي وسيلة إيضاحية مثلاً .. لا أعتقد .. طيب قبل كده جاب عجلة .. ومرة جاب شيشة وخمرة أو سائل يدل على الخمرة ..ومرة جاب بطانية .. واحنا بنتحمل على مضض .. لكن كمان فرخة مشوية ويفسخها بإيديه.. عيب والله .. الاستخفاف بعقول المشاهدين .. عيب والله الاستظراف إلى هذا الحد الذي يبعث على الغثيان .. هل هذا إعلام .. سأظل أقولها .. مصر تحتاج إلى .. بنية تحتية في السلوكيات الحميدة واحترام أخلاقيات المهنة ..وبصفة عامة..فإن  مصر في حاجة إلى بنية تحتية قوية لها الأولوية  ..في النواحي الأخلاقية والتربوية والسلوكية والثقافية ..
-----------------------------
د.شهيرة عبد الهادي

وهذا ما يحدث في مصر منذ سنوات وقد تكلمنا عنه مراراً وتكراراً ....