نحن في حاجة إلى ميثاق أخلاقي للإعلام ........... بقلم د.شهيرة عبد الهادي

نحن في حاجة إلى الاحترام والرقي في تعاملاتنا وإلى النظرة إلى الأمور بعيداً عن  الشخصنة  والانحيازات  خاصة من الإعلاميين والإعلاميات  لأنهم واجهة المجتمع .. أقول هذا الكلام  لأنني  حزنت لما  شاهدته وسمعته .. في برنامج "الشعب يريد" على قناة التحرير .. كان مقدم البرنامج يتحدث مع أحد المتصلين وهو شخصية معروفة فهو كان بمجلس الشعب سابقاً أيام الأسبق.. وجوهر الحديث معه  كان  مهاجمة  الأستاذ " حمدين صباحي" من قبِل مقدم البرنامج الذي كان  يدافع عن  الأستاذ" سامي شرف " باعتبار أن (الأستاذ  حمدين شتم  وهاجم الأستاذ سامي شرف في موقف ما  وفي الحقيقة  ليس عندي معلومة عن هذا الموقف ولا عن هذا الموضوع وأول مرة أسمع عنه ) ..  أنا لا أعترض على المهاجمة  من قبل مقدم البرنامج أو ضيوفه .. ولا أدافع عن الأستاذ حمدين صباحي .. فكل إنسان حر في رأيه .. أنا أعترض على إسلوب المهاجمة ..وإسلوب  إدارة الحوار ..وإسلوب تلقي المكالمات .. وإسلوب إلقاء الاتهامات له بأنه عميل وخاين وكان يتاجر في تليفزيونات قار يونس وأنه كان يتلقى أموالاً من خيرت الشاطر لمساندته في حملته الانتخابية الأولى في عام 2012مـ حتى يضرب أبو الفتوح باعتباره خصم الشاطر.. ثم تلاه أيضا متصل  آخر" كابتن تقريبا" في الأهلي قال عن  الأستاذ حمدين  أنه عبده مشتاق وووووو  مع الضحكات والقهقهات : والكلام في الحقيقة عندما تسمعه حضرتك لابد وأن تحزن على المستوى الذي قيلت  من خلاله ..للأسف ..  ليس هذا هو إسلوب الإعلام الجيد الذي له ميثاق شرف .. أنا حزينة على هذا  المستوى ..حقيقة  .. وآسفاااااااااه على المستوى الذي وصل إليه الإعلام ووصل إليه الحوار  في مصر ..  وعلى فكرة أنا لست داعمة للأستاذ حمدين  ولست في حملته  وإنما أتحدث عن الأخلاقيات فقط ..

--------------

د.شهيرة عبد الهادي

هشام العلايلي : أسباب تدني الخدمة بالنسبة للثابت والمحمول والنت ..هي البنية التحتية المتهالكة .............. بقلم د.شهيرة عبد الهادي

هشام العلايلي : القاهرة 360 : اليوم الخميس 20 /2 / 2014مـ.. يقول :أسباب مشاكل  وتدني الخدمة بالنسبة
للثابت والمحمول والنت في مصر .. هي .. عدم ملائمة البنية التحتية القديمة وعدم قدرتها على استيعاب الأعداد التي فاقت سعتها و قدراتها وقت إنشائها وعدم تجديدها .. وعجبي .. يعني والحمد لله لا توجد لدينا بنية تحتية في مصر لأي شئ وهذا من إنحازات العصور السابقة.. تذكرت الرئيس الأسبق عندما كان يتحدث في خطاباته بالساعات عن إنجازاته في البنية التحتية والجمهور يصفق له ..
------------------
د.شهيرة عبد الهادي

هدم الفلل في الإسكندرية ........... بقلم د.شهيرة عبد الهادي

الكاتب  واروائي  السكندري الكبير الأستاذ إبراهيم عبد المجيد كتب مقالاً اليوم عن هدم الفلل الأثرية في الإسكندرية .. ومقدم برنامج مانشيت يصرخ ويتساءل ليه ؟؟ .. سأجيب أنا على سؤاله من واقع تجربتي الشخصية..حيث أنني في إحدى المرات .. كنت أبحث عن شقة .. فوجدت الآتي .. أولاً هدم الفلل في الإسكندرية وخاصة بعد الثورة  ممنهج و يتم في كل مكان فيها .. ثانياً لأنه بعد هدم الفلة يتم بناء عمارة " برج " مكونة من 20 دور بدلاً منها .. حيث يتم بيع الشقة الواحدة " حوائط " فقط .. وآخدين بالكوا "حيطان فقط ".. في كل عمارة من الأبراج هذه بـمبلغ 1.600.000 وما فوق وحتى  2.000.000 جنيه مصري حيث أن المتر في الأرض " جوة خالص بعيد عن البحر" يتراوح سعره ما بين 5000 و 7000 جنيه مصري فما بالك بمن هي على البحر مباشرة : وللأسف أصبحت العمارات في الإسكندرية التي  كانت عروس البحر الأبيض متجاورة بشكل عشوائي وتطل على حارات وأحيانا تكون متلاصقة متراصة بجوار بعضها البعض  وأصبحت الإسكندرية عبارة عن غابات خرسانية بعد أن كانت فلل  في منتهى الرقي والأناقة  ويحيط بكل فلة  حديقة بها  مساحة خضراء رائعة ذات رائحة ذكية نظراً لوجود الريحان والياسمين  في تلك الحدائق بالإضافة للأشجار .. وطبعاً المباني الجديدة للبنايات  الجديدة " الأبراج "  هذه لا تساوي القديمة من حيث المتانة والشكل المعماري الجميل والفخامة . والله أنا  رأيت  بيتاً من أنواع البيوت الأثرية في الشاطبي  يقومون  بهدمه .. كان العمال أثناء عملية الهدم يجدون صعوبة بالغة ومعهم المعدات في هدمها نظراً لمتانتها وسُمك جدرانها وكنت حزينة عليها جداً ووقفت تقريباً أكثر من  نصف ساعة أمامها " أتحَّسر"  عليها ..بالإضافة أنها كانت من مباني زمان المرتفعة الجميلة وللأسف الآن ونظراً لصعوبة هدم مثل هذه المباني التي تم بنائها أيام حضور الضمير الإنساني .. فهم يستخدمون مواد متفجرة في هدمها .. وللأسف سيتم بنائها  أبراج  الآن تحتوي على  شقق "علب"  منخفضة الارتفاع  والشقة  يتم بيعها بملايين الجنيهات .. فوضى فوضى فوضى .. وهذه  مشكلة أيضاً من المشاكل الحالية في مصر.. ردم النيل  في القاهرة ودمياط وكل المدن التي على النيل  وهدم فلات في الإسكندرية وفي كل مكان  .. فهل لها من حل عند رئيس مصر القادم ومنظومته الحاكمة #   جشع ما بعده جشع ..
-------------------
د.شهيرة عبد الهادي

ما بين جبال الهايكنج وجبال القمامة في مصر .......... بقلم د.شهيرة عبد الهادي

لقد كتبت مقالة مشابهة  للرئيس  السابق وأكتب الآن مثلها للرئيس القادم ..ولا أعلم  هل  سأكتب مثل  هذه المقالة فيما بعد أم لا ؟..  هذا في علم الله .. سعادة رئيس مصر القادم : ما  بين جبال رياضة "الهايكنج" في سانت كاترين وجبال " القمامة " في كل حارة في مصر.. مشكلات ومشكلات ومشكلات ومنظومة عمل فاسدة .. تتحداكم ..هاقولها في كلمتين بالبلدي دلوقتي ..

 فـ  بالإضافة لمشكلات الأمن القومي والأمن الوطني والأبعاد الاستراتيجية ومشكلات المرأة والأقليات والطائفية والعلاقات الخارجية ودي أمريكية ودي روسية ودي خاصة بسد أثوبيا وده له علاقة بالحد الأعلى والأدنى  ووووو.. فإن في مصرجبال من المشكلات التي يعاني منها المواطن العادي البسيط الغلبان  وهذه بعضها..مصر تعاني من تفشي  جبال  الفقر والجهل والمرض  .. مصر تعاني من عدم الحصول على حق المواطن الشريف وعلى حق الشهيد الطاهر النبيل العفيف.. مصر تعاني من التعليم المنُهار في ابتدائي في إعدادي في ثانوي في الجامعة .. التلميذ اللي بيخرج من المدرسة الآن  لا بيعرف يقرأ ولا يكتب .. واللي بيتخرج من الجامعة يعاني صعوبات  في القراءة والكتابة ودي مهزلة في حد  ذاتها  .. والا مستوى الماجستير والدكتوراة المنهار جداً دلوقتي  .. والصحة المعلولة للشعب كله  .. أمراض كثيرة وعشان تعالجها تلاقي اليد مغلولة .. دا حتى الأمراض اللي قلنا خلصنا منها رجعت تاني زي الغول ينهش في جسد الشعب .. واذا راح المصري الغلبان  مستشفى حكومي  عشان يتعالج فيه لا بيلاقي فيها علاج ولا حتى مستشفى  ..وكمان يطلبوا منه يشتري العلاج لنفسه داخل المستشفى ما هي حكومية بقى  يبقى فيها علاج ليه ؟ ..يروح يشتري العلاج لنفسه  من الصيدلية يلاقي الدواء مغشوش  .. واللي بيبيعهوله هو  نفسه  بوش مغشوش ..لا صيدلاني ولا حتى حلاق صحة  .. أهي شغلانة يكسب من وراها سبوبة ..  الصيدلاني لا بيهموا  شعب ولاحتى  صحة  ما هو مفيش قانون ولا يحزنون .. وقرارات تخلي  الغني في البلد دي  يتعالج أما الفقير يموت  ..وكمان قرارات تقول  العلاج بدرجات للشعب  في المستشفيات الدرجة دي  للغني والدرجة دي  للفقير  ..و شوف بقى الشباب اللي قاعد في البيوت مش لاقي شغلانة من عشرات  وعشرات السنين  .. واذا خرج يدور على شغلانة يلاقي الذمم خربانة  .. والمصانع اتقفّلت والعمالة اتسرّحت .. ولا الشباب والبنات اللي مش لاقييين  يتتجوزوا  .. واللي ممعوش فلوس يجيب شقة  ..واللي مش لاقي رغيف يغمسه بدقة  .. والمية الملوثة  .. دا الميه بقت ملونة وليها ريحة وليها طعم كمان .. وفي كل عمل تلاقي ذمم ملوثة وأساليب ملتوية .. الرشوة والمحسوبية و الوساطة والحلول اللولبية .. والخضار والفاكهة المسقية بمية المجاري  .. تآكلوا  من هنا يجيلك التسمم والإسهال الجاري  ....راح الصفا من السما وكساها السواد والدخان والعدم والرؤية بقت سوودة.. إسّود لون مية البحر وماتت أسماكه من التسمم والرمم  .. وبكت مية النيل وطلع بكاها على الشاطئ  ينوح على النيل  اللي كان  زمان رمز القمم .. وشوارع تترصف بالليل وتتحفر تاني الصبح .. وشوارع تترصف الصبح  وتتحفر تاني بالليل  .. طوابير على العيش وعلى البوتجاز وعلى السولار وعلى الجاز  .. شعب مش لاقي حتة لحمة وبيآكل رجلين الفرخة  .. وكان الوزير  بيقولوهم كلوا مكرونة بدل الرز دا الرز ملوش لازمة  ..وبلاها خيار دا بقي بسبعة  ..شعب عايش في عشش صفيح وفي القبور ومش عارف في الشتاء يدّفى  .. و عشوائيات وأطفال عايشة ليل نهار تحت الكباري بتتجوز وتخلف  وهي تحتها  بتتلوى .. يآخدها السياسي ده والسياسي ده ويشغَّلها لحسابه عشان يضرب بيها خصمه  ولا بيطلعهم من تحت الكباري ولا  حتى بيساعدها تدفى ..بلد انهار فيها العلم والبحث العلمي والتعليم والصحة ..وجبال القمامة في كل حارة في بلادي بتنافس جبال الهايكنج في سانت كاترين وكأنها مشكلة  حتنها في الحل صعبة..  والفرق بين جبل وجبل  أن  الفقير بينكش  في جبال القمامة عشان يدور فيها على لقمة ومعندوش فكرة هي إيه   جبال الهايكنج  الهايلة  دي  اللي ليها اصحابها.. ومرضى  مرميين في  الشوارع  والحواري والميادين و مش لاقيين علاج في مستشفيات وزارة الصحة .. ولما  ربنا بعتلنا زمان من ثلاث سنين  كده يعني وشوية ..شباب شاف كل ده  وصعبت عليه بلده .. بلده الغرقانة في الفقر والجهل والمرض .. قال لازم نطهر البلد من كل أمراضها ..قام في يوم أبيض نادي يوم من أيامك الحلوة يا بلادي ..يوم 25 من شهر يناير كان تلات نادي من سنة ألفين وفوقهم حداشر سنة في بلادي .. شباب مُخلص النية لله والوطن لا عاوز منصب ولا كرسي ..لكن عاوز يطهر بلده من كل خرابها وحسادها.. قام وثار وقعد في الميادين تمنتاشر يوم يواصل الليل بالنهار ..ملى ميدان التحرير والقائد ابراهيم وكل ما في مصر من ميادين  يهتف يقول " الشعب يريد إسقاط النظام " ..يغني ويرقص فرحان ببلده مصر الجديدة اللي بيصنعها ومش عاوز يشوف فيها لا فقر ولا جهل ولا مرض ولا أي حاجة من أمراضها  .. لقى عربيات الأمن قدامه وقَف قدامها بشجاعة وقال مش مهم ولو حتى مُت بعد ساعة ..لقى الغازات قُدامه على الكباري وفي الشوارع  دموعه سالت نفسه اتكتم  .. طِلعتلوا القنّاصة فوق البيوت والعمارات ..انضرب بالرصاص استشهد و دمه الزكي الطاهر روى كل الشوارع والحفر اللي فيها .. ومزعلش وغني وقال : قولوا لأمي نتزعليش أموت أنا وبلدي تعيش .. وشباب اتصفت عينيهم الاتنين .. وغيرهم : ده فقد رجله وده فقد إيده وده ملى الخرطوش جسمه .. استحمل وصبر لغاية ما خلع المخلوع .. وبعدين طلع  في  يوم 30 يونيو و عزل المعزول .. وبقالوا ثلاث سنين بيكافح ويملا الميادين عشان العيش والحرية والعدالة الاجتماعية والكرامة الإنسانية  .. وبعد كده جم  يدوروا  لقوا  الحال هي نفس الحال..لأ واللي زاد وغطى أن بعضهم دلوقتي في السجون ! .. و لسه الفقر موجود والجهل موجود والمرض ملوش حدود.. ولغاية النهاردة لا عرفوا مين اللي ضربهم بالرصاص .. و رجعوا تاني  يزعلوا مـ الشرطة .. طب مين اللي ضربوهم بالرصاص ؟ .. ومين اللي كان السبب في انتشار  الفقر والجهل والمرض اللي في مصر  طول السنين اللي فاتت  ويظهر حتكون كمان في اللي جاية ؟.. هو  إنتوا يا اللي كنتوا مسؤولين  مش عارفين والا مش عاوزين  تعرفوا  تحلوا مشاكل مصر ولا تجيبوا حق الشهيد؟ .. هو انت يااللي كنت  ريس مش عارف ولا مش عاوز تحل مشاكل مصر  ولا عاوز تجيب حق الشهيد؟..يا سعادة الريس القادم بعد 25 يناير  و  30 يونيو ...... هي دي بقى بعض مشاكل المصري البسيط الغلبان  : يا ترى هتحل له كل المشاكل  دي ؟؟.. وده يبقى أكبر دليل على أن في مصر قامت ثورة  جابت لنا رئيس مُنتخب  قبل كده  وبيقولوا حتجيب كمان  رئيس منتخب دلوقتي  !!!   ..
---------------

د.شهيرة عبد الهادي
الأسكندرية 
مصر الحبيبة 

ما بين جبال رياضة الهايكنج وجبال القمامة في مصر ................بقلم د.شهيرة عبد الهادي

 لقد كتبت مقالة مشابهة  للرئيس  السابق وأكتب الآن مثلها للرئيس القادم ..ولا أعلم  هل  سأكتب مثل  هذه المقالة فيما بعد أم لا ؟..  هذا في علم الله ..
سعادة رئيس مصر القادم : ما  بين جبال رياضة "الهايكنج" في سانت كاترين وجبال " القمامة " في كل حارة في مصر.. مشكلات ومشكلات ومشكلات ومنظومة عمل فاسدة .. تتحداكم ..هاقولها في كلمتين بالبلدي دلوقتي ..

 فـ  بالإضافة لمشكلات الأمن القومي والأمن الوطني والأبعاد الاستراتيجية ومشكلات المرأة والأقليات والطائفية والعلاقات الخارجية ودي أمريكية ودي روسية ودي خاصة بسد أثوبيا وده له علاقة بالحد الأعلى والأدنى  ووووو.. فإن في مصرجبال من المشكلات التي يعاني منها المواطن العادي البسيط الغلبان  وهذه بعضها..مصر تعاني من تفشي  جبال  الفقر والجهل والمرض  ..  تعاني من عدم الحصول على حق المواطن الشريف وعلى حق الشهيد الطاهر النبيل العفيف.. فـ  بالإضافة لمشكلات الأمن القومي ..التعليم المنُهار في ابتدائي في إعدادي في ثانوي في الجامعة .. التلميذ اللي بيخرج من المدرسة لا بيعرف يقرأ ولا يكتب .. واللي بيتخرج من الجامعة يعاني صعوبات  في القراءة والكتابة ودي مهزلة في ذاتها  .. والا مستوى الماجستير والدكتوراة المنهار دلوقتي  .. والصحة المعلولة للشعب كله  .. أمراض كثيرة وعشان تعالجها تلاقي اليد مغلولة .. دا حتى الأمراض اللي قلنا خلصنا منها رجعت تاني زي الغول ينهش في جسد الشعب .. واذا راح مستشفى حكومي يتعالج لا يلاقي فيها علاج ولا حتى مستشفى  ..وكمان يطلبوا منه يشتري العلاج لنفسه داخل المستشفى ما هي حكومية بقى  يبقى فيها علاج ليه ؟ ..يروح يشتري العلاج لنفسه  من الصيدلية يلاقي الدواء مغشوش  .. واللي بيبيعهوله نفسه هو بوش مغشوش ..لا صيدلاني ولا حتى حلاق صحة  .. أهي شغلانة يكسب من وراها سبوبة ..  الصيدلاني لا بيهموا  شعب ولاحتى  صحة  ما هو مفيش قانون ولا يحزنون .. وقالوا الغني في البلد دي  يتعالج أما الفقير يموت  ..وكمان قالوا العلاج بدرجات للشعب  في المستشفيات  ده للغني وده للفقير  ..و شوف بقى الشباب اللي قاعد في البيوت مش لاقي شغلانة من عشرات السنين  .. واذا خرج يدور على شغلانة يلاقي الذمم خربانة  .. والمصانع اتقفّلت والعمالة اتسرّحت .. والشباب والبنات اللي مش لاقية تتجوز .. واللي ممعهوش فلوس يجيب شقة  ..واللي مش لاقي رغيف يغمسه بدقة  .. والمية الملوثة  .. دا الميه بقت ملونة وليها ريحة وليها طعم  .. وفي كل عمل تلاقي ذمم ملوثة وأساليب ملتوية .. الرشوة والمحسوبية و الوساطة والحلول اللولبية .. والخضار والفاكهة المسقية بمية المجاري  .. ناكلوا يجي التسمم والإسهال الجاري  ....راح الصفا من السما وكساها السواد والدخان والعدم .. إسّود لون مية البحر وماتت أسماكه من التسمم والرمم  .. وبكت مية النيل وطلع بكاها على الشاطئ  ينوح على نيل كان زمان رمز القمم .. شوارع تترصف بالليل وتتحفر تاني الصبح .. وشوارع تترصف الصبح  وتتحفر تاني بالليل  .. طوابير على العيش وعلى البوتجاز وعلى السولار وعلى الجاز  .. شعب مش لاقي حتة لحمة وبياكل رجلين الفرخة  .. وكانوا بيقولوا له كل مكرونة بدل الرز دا الرز ملهوش لازمة  ..وبلاها خيار دا بقي بسبعة  ..شعب عايش في عشش صفيح وفي القبور ومش عارف في الشتاء يدّفى  .. و عشوائيات وأطفال عايشة ليل نهار تحت الكباري بتتجوز وتخلف  وهي تحتها  بتتلوى   ..بلد انهار فيها العلم والبحث العلمي والتعليم والصحة ..وجبال القمامة في كل حارة في بلادي بتنافس جبال الهايكنج في سانت كاترين وكأنها مشكلة في الحل صعبة..  والفرق أن  الفقير بينكش  في جبال القمامة عشان يدور فيها على لقمة ومعندوش فكرة هي إيه دي  جبال الهايكنج  الهايلة .. ومرضى  مرميين في  الشوارع  والحواري والميادين و مش لاقيين علاج في مستشفيات وزارة الصحة .. ولما  ربنا بعتلنا زمان من ثلاث سنين شباب شاف كل ده .. وصعبت عليه بلده .. بلده الغرقانة في الفقر والجهل والمرض .. قال لازم نطهر البلد من كل ده ..قام في يوم أبيض نادي يوم من أيامك الحلوة يا بلادي ..يوم 25 من شهر يناير كان تلات نادي من سنة ألفين وفوقهم حداشر سنة في بلادي .. شباب مُخلص النية لله والوطن لا عاوز منصب ولا كرسي لكن عاوز يطهر بلده من كل ده.. قام وثار وقعد في الميادين تمنتاشر يوم يواصل الليل بالنهار ..ملى ميدان التحرير والقائد ابراهيم وكل ما في مصر من ميادين  يهتف يقول " الشعب يريد إسقاط النظام " ..يغني ويرقص فرحان ببلده مصر الجديدة اللي بيصنعها ومش عاوز يشوف فيها لا فقر ولا جهل ولا مرض ولا أي حاجة من ده  .. لقى عربيات الأمن قدامه وقَف قدامها بشجاعة وقال مش مهم ولو حتى مُت بعد ساعة ..لقى الغازات قُدامه على الكباري وفي الشوارع : دموعه سالت نفسه اتكتم  .. طِلعتلوا القنّاصة فوق البيوت والعمارات ..انضرب بالرصاص استشهد و دمه الزكي الطاهر روى كل الشوارع والحفر اللي فيها .. ومزعلش وغني وقال : قولوا لأمي نتزعليش أموت أنا وبلدي تعيش .. وشباب اتصفت عينيهم الاتنين .. وغيرهم : ده فقد رجله وده فقد إيده وده ملى الخرطوش جسمه .. استحمل وصبر لغاية ما خلع المخلوع .. وبعدين طلع  في  يوم 30 يونيو و عزل المعزول .. وبقالوا ثلاث سنين بيكافح ويملا الميادين عشان العيش والحرية والعدالة الاجتماعية والكرامة الإنسانية  .. وبعد كده جم  يدوروا  لقوا  الحال هي نفس الحال..لأ واللي زاد وغطى أن بعضهم دلوقتي في السجون ! .. و لسه الفقر موجود والجهل موجود والمرض ملوش حدود.. ولغاية النهاردة لا عرفوا مين اللي ضربهم بالرصاص .. و رجعوا تاني  يزعلوا مـ الشرطة .. طب مين اللي ضربوهم بالرصاص ؟ .. ومين اللي كان السبب في انتشار  الفقر والجهل والمرض اللي في مصر  طول السنين اللي فاتت  ويظهر حتون كمان في اللي جاية؟.. هو  إنتوا يا اللي كنتوا مسؤولين  مش عارفين والا مش عاوزين  تعرفوا  تحلوا مشاكل مصر ولا تجيبوا حق الشهيد؟ .. هو انت يااللي كنت  ريس مش عارف ولا مش عاوز تحل مشاكل مصر  ولا عاوز تجيب حق الشهيد؟..يا سعادة الريس القادم بعد 25 يناير  و  30 يونيو ...... هي دي بقى بعض مشاكل المصري البسيط الغلبان  : يا ترى هتحل له كل المشاكل  دي ؟؟.. وده يبقى أكبر دليل على أن في مصر قامت ثورة .. جابت لنا رئيس مُنتخب  قبل كده  وبيقولوا حتجيب رئيس منتخب دلوقتي    ..
---------------

د.شهيرة عبد الهادي
الأسكندرية 
مصر الحبيبة 

ما بين جبال سانت كاترين وجبال القمامة في مصر ....................بقلم د.شهيرة عبد الهادي

ما بين جبال رياضة "الهايكنج" في سانت كاترين وجبال " القمامة " في كل حارة في مصر .. منظومة مشكلات ومشكلات ومشكلات ومنظومة عمل فاسدة .. تتحدى الرئيس القادم لمصر ..
--------------
د.شهيرة عبد الهادي

أحمد جمال أسألوا كتاب التاريخ مين هي مصر Arab Idol MBC

 

• ياللي حضنك هوا نفسه حضن أمي .. ياللي ليكي فيا أكتر م اللي ليا ..
  ياللي مهما بعدت عنك جوا دمي .. ياللي حبك عندي حاجه مش عاديه ...
  كل شارع من شوارعك فيه حكايه .. عن صحابي وعن حاجات حصلت معايا ..
  ناس كتير قالولي غني غنوه ليها .. بس مهما كان غنايا مش كفايا ....
  رغم أي محنه صعبه عشتي فيها .. بكره قادرين نبني فيكي ألف قصر..
  ياللي بتقولو إنها راحت عليها .. اسالو كتاب التاريخ مين هى مصر ......