السبت، 28 يونيو 2014

حول مسلسل صديق العمر .. بقلم د.شهيرة عبد الهادي

وانا بآكل لقمة كده.. قلت افتح التليفزيون أشوف الدنيا فيها إيه .. لقيت مسلسل
صديق العمر .. عن الزعيم جمال عبد الناصر والمشير عبد الحكيم عامر .. ودي أول حلقة .. يعني لم يتضح العمل الدرامي بعد .. لكن اللي لفت نظري .. أن شخصية جمال عبد الناصر بيقوم بيها ممثل سوري إسمه جمال سليمان ..الممثل ده كممثل جيد .. وانا شفته في أعمال مصرية قبل كده .. لكن إنه يآخد دور شخصية ناصر .. بجد غير مُقنع بالنسبة لي على المستوى الشخصي .. واللكنة بتاعته غير المصرية واضحة خالص .. بجد كان المفروض من يؤدي شخصية ناصر يكون مصري .. عشان الشخصية واللهجة واللكنة ولون البشرة ووووو.. الله يرحمك يا " أحمد زكي " والله .. مع العلم أن من يؤدي شخصية المشير عبد الحكيم عامر هو الممثل المصري باسم سمرة ..