الدنيا دي فيها العجب ..
لصنف من الناس ..فيه الندالة ..
والندالة دي ليها ناس ناس ..
ناس تجرجرك لمصلحة بحنية تعبان ونَّاس ..
وناس تعيشك في الوهم وتلعب على وترك الحساس ..
وناس تتحنجل حواليك لغاية ما توقعك وتقايض بيك ناس ..
وناس تتاجر بمشاعرك لأنهم أساساً مش ولاد ناس ..
وناس تندم أنك عاملتهم على أن هم ناس ..
وناس تستغرب أن في يوم ازاي إنت اعتبرتهم ناس ..
وناس غدارة خاينة وبالأقدام لازم تنداس ..
وعجبي
--------------------------------
د.شهيرة عبد الهادي
Drshahera Abd Elhady Ibrahem
ليست هناك تعليقات:
إرسال تعليق