من واقع الرسائل التي تأتي لي للاستشارة ..ممكن
أقول حاجة بالبلدي وعلى سجيتي وخصوصاً إن احنا في رمضان .. لكل بناتي
وأولادي ولنفسي وإخواني وأخواتي .. وتتفهم صح .. عشان خاطري تتفهم صح ..
ومحدش يزعل مني ومن صراحتي .. و أنا باقولها من واقع الرسائل اللي بتجيلي
على الخاص للاستشارة فعلاً .. والرأي في الأول والآخير لحضراتكم .. إوعوا تصدقوا
أي (شاب ) أو (راجل) على الفيس بيقول لـ (بنت) أو لـ ( سيدة ) على الفيس "
أنا بحبك " او في مرة يقول "عاوز اتجوزك "
. بصفة عامة ..وبصفة خاصة لما يكون متجوز وعنده أولاد .. واوعوا تصدقوا (
بنت ) أو (سيدة ) على الفيس بتقول لـ (شاب ) أو لـ ( راجل) "أنا بحبك "..
الفيس ده مليان بلاوي وربنا يسترها معانا جميعاً .. واللي بيعمل كده إما
أنه بيتسلى.. أو عاوز يعيش حالة حب ..أو عاوز يعيش حالة عشق .. أو بيشغل
الآخر ويُلبخ عقل اللي بيكلمه ..أو له مصلحة معينة عاوزها منه.. أو أنه
مجرد إعجاب ..أو أنه بيحطمه لأي غرض من الأغراض الله يعلمه.. أو لأي أسباب
آخرى لا أعلمها لكن الله وحده هو من يعلمها فهو المطّلع على القلوب وعلى
النوايا .. واللي عاوز يتجوز ويحب بما يُرضي الله بيدخل البيوت من أبوابها
.. هو ده الدين وهي دي الأصول ..
-----------------
د.شهيرة عبد الهادي
الأسكندرية
21 /7 /2012
-----------------
د.شهيرة عبد الهادي
الأسكندرية
21 /7 /2012
ليست هناك تعليقات:
إرسال تعليق