استغاثة إلى وزير النقل المصري
نحن ركاب القطار رقم 566 الذي تحرك من المنصورة إلى الإسكندرية يوم الأربعاء 14 / 9 / 2016 مـ الساعة التاسعة صباحاً.. في هذا القطار حدث الأتي .. وهو ما ينم عن فساد في السكك الحديدية المصرية .. نطلب من سعادتكم ومن موقع مسؤوليتكم القضاء عليه ..
1-عند شباك قطع التذاكر في المنصورة كان مكتوباً على يافطة وضعها الموظف المسؤول على الشباك " أن قطار الإسكندرية كامل العدد" .. وفي نفس الوقت أحد العاملين على الشباك يقول للناس اللي قاطعة واقف زي حالاتي و اللي كمان مش قاطع " عندكوا كراسي فاضية من رقم 45 إلى رقم 60 في عربة رقم 2 " ؟! .. يعني محدد العربية ؟ .. طب ده ينفع .. مش ده فساد ؟
2-عندما ركبنا القطار وركبنا العربية رقم " 2".. اتضح أن كثير من الركاب قد اتفقوا مع كمساري القطار على حجز أماكن معينة.. في الكراسي ..التي ذكرها موظف شباك التذاكر في المنصورة .. اللي هي الكراسي من 45 إلى 60 .. مقابل زيادة في ثمن التذكرة ؟.. الله أعلم الزيادة دي بتروح فين ؟ .. لهيئة السكك الجديدية المصرية؟ أم للكمساري ؟.. وفي كلتا الحالتين هذا خطـأ وفساد .. لأن القطار أصبح مثل الميكروباس الناس بتحط شنطها على الكراسي وتحجزها .. وهم يقولون بالحرف الواحد " إنت في مصر واللي يلحق بقى " .. هل هذا يليق ؟ ..
3-كنا في عربة رقم " 2 " والعربة دي درجة تانية مكيفة .. لأته لا توجد درجة أولى في القطار.. التكييف اشتغل من المنصورة وحتى طنطا فقط يا معالي الوزير.. وبداية من طنطا بدأت المأساة التي كادت أن تودي بحياة الركاب وهي : ..
4-بدأ انقطاع المكيف عن الركاب .. وفي نفس الوقت .. بدأ السماح للركاب في المحطات الرئيسية التي يقف فيها القطار بالركوب واقف من المحطة التي ركبوا منها وحتى الإسكندرية .. فأصبح في عربة " 2 " والتي حمولتها " 120 راكب" .. يوجد كمان " 120 راكب واقف في الطرقة الخاصة بيها .. والمكيف مقطوع لمدة ساعتين من بعد طنطا وحتى الإسكندرية ".. هل هذا يليق ؟ ..
6-بدأت الأطفال والسيدات الكبيرات في السن و الرجال الطاعنين في السن في البكاء والاختناق ..وكانت كميات العرق التي على الركاب كالأنهار بالإضافة للكحة والاختناق لنا جميعاً ..
7- بدأ الرجال والسيدات يقولون للعامل المسؤول عن العربة " روح كلم المسؤولين عن القطار وشغل التكييف" لكنه أهمل وكان يتريق على الناس .. هل هذا يليق ؟
8- هنا انهار الركاب وهجموا على العامل المسؤول عن العربة رقم " 2" ..وكاد أن يموت بين أيديهم بعد أن صبروا عليه كثيراً .. ثم هاج الركاب وقالوا " سنكسر الشبابيك " وهم يصرخون ويقولون :حنموت حنموت .. وهنا تحرك العامل وفتح بعض الشبابيك خوفاً من الركاب للأسف وليس من واقع مسؤوليته ..
9- ظلت العربة هكذا بدون تكييف.. ونحن في معاناة لمدة ساعتين ونصف تقريباً ..حتى الوصول لمحطة مصر بالإسكندرية .. لدرجة أن أحد الركاب وهو شاب قد أغمى عليه ونزلوه من القطار في كفر الدوار ونيَّموه على الرصيف والقطار طلع ومشى وتحرك وساب هذا الشاب والله أعلم إيه اللي حصله بعد كده..
10-بدأنا نشوف بعض المسؤولين عن القطار بعد سيدي جابر.. بعد أن انتقلنا إلى عربة " 1" بعد أن خف القطار نظراً لنزول غالبية الركاب في سيدي جابر .. يعني اتحملنا التكييف المقطوع ساعتين ونصف.. ولأن المسؤولين دول كانوا في عربة " واحد" التي كانت مكيفة والمكيف بتاعها شغال طول الرحلة .. وعشان كده محدش سأل في الركاب ما دام هم في التكييف .. تخيل حضرتك .. بعد سيدي جابر .. يعني في نهاية الرحلة .. وعندما تكلمنا معهم .. تخيل سعادتك كان ردهم إيه .. وأنا باقول لهم. . ليه بتركبوا حمولة قد حمولة القطار 4 مرات ده غلط..لأنه لو حصل حاجة أو حادث أو كما حدث انقطاع المكيف .. ستكون هناك كارثة محققة وسيموت الآلاف من الركاب .. يكون الرد بتاعهم إيه ؟.. يكون الرد بتاعهم وباستهتار وباستخفاف بالمواطن هو .." حتكونوا شهداء القطر ولا شهداء التكييف " .. هل هذا يليق ؟..
11-وفي نفس الوقت كانت الناس بتشرب سجائر يا معالي الوزير في القطار.. يعني لا تكييف وخنقة وحمولة مضاعفة وشرب سجاير.. يعني فساد لأنه لا توجد رقابة في القطار والمسؤول نفسه مقصر في عمله .. وبيركب حمولة زيادة عن طاقة واستيعاب القطار وبيقطع التكييف كمان .. وكل ده بحجة أننا في موسم عيد الأضحى والركاب عاوزة تركب .. ويتريق ويقول " إحنا عاوزين نركب الشعب القطر ونريح الشعب بسخرية واستهزاء " .... طب لو حصلت كارثة في العيد بقى .. حيكون عيد ولا مأتم ؟..
12- وعندما اشتكينا إلى أحد المسؤولين في القطار اللي ظهر بعد سيدي جابر يعني في نهاية الرحلة وقلنا له .. العامل بتاعكوا كان حيموت في إيدين الركاب من إهماله وإهمال حضراتكم في عملكم .. مسك موبايله التاتش الكبير .. وكلم واحد بمنتهى الرقة والتحايل عليه والمحايلة ليه .. وقال له بالحرف :.. كده برده يا فلان مشكلة عربية اتنين زي ما هي ولسة ما اتحلتش .. يعني معنى ذلك يا معالي الوزير أن عربة " 2 " بيحصل لها كده على طول .. يعني لا يوجد احترام للراكب المصري على الدوام ؟ ولا توجد صيانة ولا توجد رقابة ..
13-نزلنا في محطة مصر .. وذهبت أنا إلى أحد المسؤولين .. مكتوب على يافطة بابه فلان الفلاني محاسب ومفتش أول محطة مصر.. اشتكيت له شفوي للأسف لأنه لم يكن معي أوراق أكتب فيها ..وطلبت منه ورقة وقلم عشان أكتب الشكوى رسمي ويآخد رقمي القومي ولكنه أهمل كلامي ..
14-ما حدث لنا يا معالي الوزير في العربة رقم "2 " بهذا القطار لا يحدث حتى مع الحيوانات ولا يحدث حتى مع أضاحي العيد .. هل هذا يليق يا معالي الوزير
15-التذكرة معي يا معالي الوزير.. وصورتها.. لكن الصورة مش واضحة ..وعندما يتم تصويرها جيداً سألحقها بالاستغاثة إن شاء الله ..
16-هذا بالإضافة إلى أن القطار مستهلك والتواليتات رائحتها الكريهة تملأ العربية والعربية غير نظيفة .. نريد قطارات نظيفة يا معالي الوزير لخط المنصورة إسكندرية.. قطارات ومسؤولين يحترمون المواطن المصري ..فالمنصورة هي العاصمة الطبية لمصر وبلد محترم من بلاد جمهورية مصر العربية .. أغيثونا يا معالي الوزير ..
-----------------------------------
د.شهيرة عبد الهادي
Drshahera Abd Elhady Ibrahem
نحن ركاب القطار رقم 566 الذي تحرك من المنصورة إلى الإسكندرية يوم الأربعاء 14 / 9 / 2016 مـ الساعة التاسعة صباحاً.. في هذا القطار حدث الأتي .. وهو ما ينم عن فساد في السكك الحديدية المصرية .. نطلب من سعادتكم ومن موقع مسؤوليتكم القضاء عليه ..
1-عند شباك قطع التذاكر في المنصورة كان مكتوباً على يافطة وضعها الموظف المسؤول على الشباك " أن قطار الإسكندرية كامل العدد" .. وفي نفس الوقت أحد العاملين على الشباك يقول للناس اللي قاطعة واقف زي حالاتي و اللي كمان مش قاطع " عندكوا كراسي فاضية من رقم 45 إلى رقم 60 في عربة رقم 2 " ؟! .. يعني محدد العربية ؟ .. طب ده ينفع .. مش ده فساد ؟
2-عندما ركبنا القطار وركبنا العربية رقم " 2".. اتضح أن كثير من الركاب قد اتفقوا مع كمساري القطار على حجز أماكن معينة.. في الكراسي ..التي ذكرها موظف شباك التذاكر في المنصورة .. اللي هي الكراسي من 45 إلى 60 .. مقابل زيادة في ثمن التذكرة ؟.. الله أعلم الزيادة دي بتروح فين ؟ .. لهيئة السكك الجديدية المصرية؟ أم للكمساري ؟.. وفي كلتا الحالتين هذا خطـأ وفساد .. لأن القطار أصبح مثل الميكروباس الناس بتحط شنطها على الكراسي وتحجزها .. وهم يقولون بالحرف الواحد " إنت في مصر واللي يلحق بقى " .. هل هذا يليق ؟ ..
3-كنا في عربة رقم " 2 " والعربة دي درجة تانية مكيفة .. لأته لا توجد درجة أولى في القطار.. التكييف اشتغل من المنصورة وحتى طنطا فقط يا معالي الوزير.. وبداية من طنطا بدأت المأساة التي كادت أن تودي بحياة الركاب وهي : ..
4-بدأ انقطاع المكيف عن الركاب .. وفي نفس الوقت .. بدأ السماح للركاب في المحطات الرئيسية التي يقف فيها القطار بالركوب واقف من المحطة التي ركبوا منها وحتى الإسكندرية .. فأصبح في عربة " 2 " والتي حمولتها " 120 راكب" .. يوجد كمان " 120 راكب واقف في الطرقة الخاصة بيها .. والمكيف مقطوع لمدة ساعتين من بعد طنطا وحتى الإسكندرية ".. هل هذا يليق ؟ ..
6-بدأت الأطفال والسيدات الكبيرات في السن و الرجال الطاعنين في السن في البكاء والاختناق ..وكانت كميات العرق التي على الركاب كالأنهار بالإضافة للكحة والاختناق لنا جميعاً ..
7- بدأ الرجال والسيدات يقولون للعامل المسؤول عن العربة " روح كلم المسؤولين عن القطار وشغل التكييف" لكنه أهمل وكان يتريق على الناس .. هل هذا يليق ؟
8- هنا انهار الركاب وهجموا على العامل المسؤول عن العربة رقم " 2" ..وكاد أن يموت بين أيديهم بعد أن صبروا عليه كثيراً .. ثم هاج الركاب وقالوا " سنكسر الشبابيك " وهم يصرخون ويقولون :حنموت حنموت .. وهنا تحرك العامل وفتح بعض الشبابيك خوفاً من الركاب للأسف وليس من واقع مسؤوليته ..
9- ظلت العربة هكذا بدون تكييف.. ونحن في معاناة لمدة ساعتين ونصف تقريباً ..حتى الوصول لمحطة مصر بالإسكندرية .. لدرجة أن أحد الركاب وهو شاب قد أغمى عليه ونزلوه من القطار في كفر الدوار ونيَّموه على الرصيف والقطار طلع ومشى وتحرك وساب هذا الشاب والله أعلم إيه اللي حصله بعد كده..
10-بدأنا نشوف بعض المسؤولين عن القطار بعد سيدي جابر.. بعد أن انتقلنا إلى عربة " 1" بعد أن خف القطار نظراً لنزول غالبية الركاب في سيدي جابر .. يعني اتحملنا التكييف المقطوع ساعتين ونصف.. ولأن المسؤولين دول كانوا في عربة " واحد" التي كانت مكيفة والمكيف بتاعها شغال طول الرحلة .. وعشان كده محدش سأل في الركاب ما دام هم في التكييف .. تخيل حضرتك .. بعد سيدي جابر .. يعني في نهاية الرحلة .. وعندما تكلمنا معهم .. تخيل سعادتك كان ردهم إيه .. وأنا باقول لهم. . ليه بتركبوا حمولة قد حمولة القطار 4 مرات ده غلط..لأنه لو حصل حاجة أو حادث أو كما حدث انقطاع المكيف .. ستكون هناك كارثة محققة وسيموت الآلاف من الركاب .. يكون الرد بتاعهم إيه ؟.. يكون الرد بتاعهم وباستهتار وباستخفاف بالمواطن هو .." حتكونوا شهداء القطر ولا شهداء التكييف " .. هل هذا يليق ؟..
11-وفي نفس الوقت كانت الناس بتشرب سجائر يا معالي الوزير في القطار.. يعني لا تكييف وخنقة وحمولة مضاعفة وشرب سجاير.. يعني فساد لأنه لا توجد رقابة في القطار والمسؤول نفسه مقصر في عمله .. وبيركب حمولة زيادة عن طاقة واستيعاب القطار وبيقطع التكييف كمان .. وكل ده بحجة أننا في موسم عيد الأضحى والركاب عاوزة تركب .. ويتريق ويقول " إحنا عاوزين نركب الشعب القطر ونريح الشعب بسخرية واستهزاء " .... طب لو حصلت كارثة في العيد بقى .. حيكون عيد ولا مأتم ؟..
12- وعندما اشتكينا إلى أحد المسؤولين في القطار اللي ظهر بعد سيدي جابر يعني في نهاية الرحلة وقلنا له .. العامل بتاعكوا كان حيموت في إيدين الركاب من إهماله وإهمال حضراتكم في عملكم .. مسك موبايله التاتش الكبير .. وكلم واحد بمنتهى الرقة والتحايل عليه والمحايلة ليه .. وقال له بالحرف :.. كده برده يا فلان مشكلة عربية اتنين زي ما هي ولسة ما اتحلتش .. يعني معنى ذلك يا معالي الوزير أن عربة " 2 " بيحصل لها كده على طول .. يعني لا يوجد احترام للراكب المصري على الدوام ؟ ولا توجد صيانة ولا توجد رقابة ..
13-نزلنا في محطة مصر .. وذهبت أنا إلى أحد المسؤولين .. مكتوب على يافطة بابه فلان الفلاني محاسب ومفتش أول محطة مصر.. اشتكيت له شفوي للأسف لأنه لم يكن معي أوراق أكتب فيها ..وطلبت منه ورقة وقلم عشان أكتب الشكوى رسمي ويآخد رقمي القومي ولكنه أهمل كلامي ..
14-ما حدث لنا يا معالي الوزير في العربة رقم "2 " بهذا القطار لا يحدث حتى مع الحيوانات ولا يحدث حتى مع أضاحي العيد .. هل هذا يليق يا معالي الوزير
15-التذكرة معي يا معالي الوزير.. وصورتها.. لكن الصورة مش واضحة ..وعندما يتم تصويرها جيداً سألحقها بالاستغاثة إن شاء الله ..
16-هذا بالإضافة إلى أن القطار مستهلك والتواليتات رائحتها الكريهة تملأ العربية والعربية غير نظيفة .. نريد قطارات نظيفة يا معالي الوزير لخط المنصورة إسكندرية.. قطارات ومسؤولين يحترمون المواطن المصري ..فالمنصورة هي العاصمة الطبية لمصر وبلد محترم من بلاد جمهورية مصر العربية .. أغيثونا يا معالي الوزير ..
-----------------------------------
د.شهيرة عبد الهادي
Drshahera Abd Elhady Ibrahem
ليست هناك تعليقات:
إرسال تعليق