حزينة على حال التعليم في بلدي مصر ( 2 )
وآدي كمان قرار من قطر بعدم الاعتراف بالشهادات من الجامعات المصرية ..
ومحدش يقول لي ده قرار سياسي .. ومليش دعوة بأنه سياسي ولا غيره ..
ومليش دعوة بأنه من فطر داوقتي وكان امبارح من السعودية .. ويارب باقي
الدول تحذو حذوهما.. لأن الفساد اللي في الدراسات العليا في مصر لا
يتصوره أحد.. والفساد اللي في التعليم المصري من الروضة مروراً بابتدائي
وإعدادي وثانوي وحتى الجامعة والدراسات العليا والماجستير والدكتوراة و في
لجان الترقيات ليس له حدود ..لازم نعترف بده عشان نصلحه إذا
كنا بنحب بلدنا مصر .. ولأن اللي عمل كده في الجامعات المصرية .. هم بعض
الأساتذة الفاسدين المصريين اللي فيهم ناس بتعمل رسالة الماجستير لطلاب
الدول العربية البترودولارية بالفلوس ..فـ فيه أساتذة فاسدين بيعملوا
ليهم رسالة الماجستير بـ 60000 جنيه والدكتوراة بـ 100000وده أقل سعر
والعملية بقت مزاد علني .. وفيه أساتذة بتتعامل مع الطلاب العرب
بالصفحة .. يعني مرمطوا سمعة التعليم المصري في التراب .. أرجوكم بلاش
ندفن روسنا في الرمال ..العيب فينا ومالينا ومغطينا ..وبعض اساتذة الجامعات
الفاسدين هم من أفسوا التعليم في مصر .. والبقية تأتي .. عيب يا فاسدين ..
اتقوا الله في بلدكم مصر.. ومش لازم تبنوا عمارات وتجيبوا عربيات
وشاليهات من فلوس حرام..
ليست هناك تعليقات:
إرسال تعليق