حزينة عاى حال التعليم في بلدي مصر (1) 00 بقلم د.شهيرة عبد الهادي

ده شيء متوقع ..السعودية تصدر قراراً  بعدم إرسال  أبنائها طىب الدراسات العليا  للتهليم في مصر  .. أحسن .. برافو يا سعودية.. وعقبال باقي الدول العربية وغير العربية ما تحذو حذوها .. لأن الفساد في التعليم العالي والدراسات العليا فاق كل الحدود في مصر .. ويا ريت الأساتذة الفاسدين يعودوا لرشدهم.. ويا ريت الطلاب الفاسدين يبطلوا فساد.. ويبطلوا تعاون مع هؤلاء الأساتذة الفاسدين .. ويا ريت الأساتذة الفاسدين يبطلوا يمنحوا طلاب السعودية وغيرها من الدول العربية ماجستير ودكتوراة متفبركة ومسروقة.. وكمان يبطلوا يعملوها ليهم بالفلوس .. وكمان يبطلوا يعملوها ليهم مقابل جالاكسي ولا آي فون ولا آي باد ولا موبايل تاتش ولا ساعة ذهب ولا غدوة حلوة ولا عشوة في مكان حلو ولا زراير قميص ذهب ولا سلسلة ذهب ولا إسورة ذهب ولا حلق ذهب ولا لاب توب ولاولا ولا ولا ولا .. وعلى فكرة بعد ما بيآخدوها بالإسلوب الرخيص ده .. وهم ما يعرفوش الألف من كوز الذرة .. بيشتموا فينا ..وبيقولوا علينا إن احنا فاسدين وخدنا الدكتوراة من عندكم يا فاسدين في 3 شهور وبفلوسنا وبيعايرونا لما نروح عندهم .. دول أساتذة فاسدين فضحونا على مستوى العالم .. اتقوا الله في بلدكم مصر يا فاسدين .. مصر ما تستحقش منكم أنكم تلوثوا سمعتها العلمية كده .. الموضوع مش موضوع تزوير شهادات .. الموضوع موضوع تزوير ضمائر وذمم .. حرام عليكم خربتوا مصر وضيعتوا سمعتها العلمية حتى عند الدول اللي عمرها ثلاثين سنة وانتم من بلاد حضارة سبعة آلاف سنة منكم لله ....