ملخص اللي عمالين نتكلم فيه من بداية شاومينج ..مدرسة لم يعد لها دور .. معلم عاوز يدي دروس ويآخد فلوس ويغشش التلاميذ .. نظام تعليمي قائم على الدروس الخصوصية من الروضة وحتى الجامعة .. أولياء أمور يتسابقون على الدروس الخصوصية وفي نفس الوقت عاوزين ولادهم يغشوا .. أهالي بتقف على أبواب اللجان بالأسلحة وبتطالب الملاحظين والمراقبين انهم يغششوا ولادهم .. أهالي بتمشي بميكرفونات حوالين اللجان وتغشش التلاميذ عيني عينك .. التلاميذ أنفسهم عاوزين يغشوا وبيقولوا لاقيين غش ما نغشش ليه وكل تصرف له مبرر.. عمال مطابع وموظفين مطابع عاوزين يسربوا الامتحانات عشان الفلوس .. وسايط ومحسوبيات في اللجان عشان ابن البيه وابن الباشا .. نظام ثانوية عامة اتغير مرات ومرات ومرات لأهواء. وليس بناء على دراسة الهوية المصرية . إعلام تدخل حتى في نشر جدول الثانوية العامة وعمل منها بعبع .. نظام تعليم قائم على الحفظ والتلقين .. مجموعة من أساتذة الجامعات عملوا من الثانوية العامة حقل تجارب لأنظمة تعليمية مستوردة من البلاد اللي خدوا منها دكتوراة نتيجة نظام البعثات .. مجموعة من أساتذة الجامعات وخبراء التربية والتعليم بيغيروا في المناهج دون دراسة وبردوو عشان اللجان والفلوس اللي بيآخدها أعضاء اللجان دي.. نظام تعليمي بيقول أن دي كليات قمة ودي كليات متدنية .. مناخ بيئي بيقول أن كل واحد في البلد دي هو في حد ذاته شاومينج في مكانه .. عدم تطبيق القانون بحسم وشدة على الجميع .. انهيار أخلاقي تام والتخلي عن كل المباديء والقيم الجميلة التي حملتها لنا كلمة " إقرأ " في القرآن الكريم وكل المباديء الإنسانية التي جاءت بها جميع الكتب السماوية .. وما خفي كان أعظم .. يبقى الموضوع عمره ما حيتحل بأنك تشيل وزير وتجيب وزير .. الموضوع أكبر من كده بكتير .. دا أي وزير حيجي حيكون ضحية لوبي الفساد التعليمي في مصر .. لابد من وضع استراتيحة كاملة متكاملة الأركان لإصلاح التعليم في مصر تشمل لإصلاح كل الأبعاد التي تم ذكرها وغيرها وما يستجد عليها .. لازم نغير نفسنا عشان ربنا يغير حالنا للأفضل ..
--------------------------------------------
د.شهيرة عبد الهادي
Drshahera Abd Elhady Ibrahem
ليست هناك تعليقات:
إرسال تعليق