مواقف حياتية ( قالتلي مع اسلامة و قفلت الموبايل ) ............ بقلم د.شهيرة عبد الهادي
مواقف حياتية
==========
سبحان الله .. البنت .. مريم " مريومة " .. بنت اخويا شقيقي .. اللي انا
بـ اموت فيها .. حلمت يعني حلم كده بخصوصها خلاني قلقت عليها .. وبعد ما صحيت من النوم علطول ..طلبتها على موبايلها النهارده الصبح.. هيا
قفلت عليا علطول .. وانا بقى طيبة وعلنياتي و مش واخدة بالي أو قولوا عليا أي حاجة
تانية .. افتكرت أن سعادتها ضربت زرار غلط وقفلت عليا .. قوم بعد كده وبعد شوية ..
لقيت مكالمتين ع الموبايل بتاعي من سعادتها .. خفت على سعادتها أكتر .. قوم
.. طلبتها تاني .. قوم ألاقي الصفعة
المتينة على دماغي ووشي .. هي إيه بقى .. تقوم .. الست .. مريومة .. ترد
عليا .. وتقولي .. بالحرف الواحد .. " يا عمتو معدتيش تطلبيني تاني و أنا
في المدرسة مع السلامة وتقفل الموبايل وصوتها بيرتعش" .. هي معاها حق
..لأنها ممكن تكون كانت وقتها في حصة يعني والمدرسة زعقت لها يعني .. هي
عندها 8 سنين .. بنت اللذينا .. عموماً .. أنا غلطانة إني حلمت .. وغلطانة
إني سألت .. ومعدتش حاعملها تاني .. بس .. يا رب .. اقدر .. وعجبي .. وبـ اقول لنفسي .. ع شان تحرمي تاكلي جلاس وتسألي ع الناس ..ههههه
-------------
د.شهيرة عبد الهادي
ليست هناك تعليقات:
إرسال تعليق