طب ليه ؟ .. بقلم د. شهيرة عبد الهادي

بعض اللي ع الفيس عمال يكتب على صفحته ويقول رأيه .. وفي نفس الوقت ..يكتب معترضاً على غيره .. أنه بيكتب على صفحته و بيقول رأيه .. طب ليه يا أخي .. ما تسيبه يعبر عن رأيه زي ما حضرتك عبرت عن رأيك أو يفضفض زي ما حضرتك بتفضفض أو يحقق ذاته زي ما حضرتك بتحقق ذاتك .. ثم أنه بيكتب على صفحته الشخصية وهو حر ما لم يضر .. ناقشه ووصل له وجهة نظرك .. مش تكون عاوز تخليه ما يكتبش ولا يعبر عن ما بنفسه حتى على صفحته .. وعاوزه يدور في فلكك إنت وبس .. عرفتوا بقى أن حضراتكم يا عرب قوم إقصاء الآخر .. وأن حضراتكم لا تؤمنون إلا بأنفسكم .. ما هي دي بردوا من أمراضكم الاجتماعية .. الأنانية المفرطة وعدم حب الخير للآخر وحب الظهور وعشق العمل الفردي وأنا ومن بعدي الطوفان ومحاربة الناجح .. وعشان كده حنعيش طول عمرنا نحن العرب عالة على العالم مستهلكين حتى في الكلام اللي عاوزين نقوله لأنفسنا وما حدش يسمعه غيرنا بردو .. نحن العرب قوم يقولون ما لا يفعلون ..