هو إيه موضوع الفكة ده في اسكندرية دلوقتي ..

كل ما اشتري حاجة .. ويكون باقي فيه فكة .. البياع يقول ممعيش فكة ..الكلام ده في كل محل وصيدلية ووو .... إلخ .. سألت .. ليه كده .. لأني بجد كنت زهقانة .. وحضراتكم عارفين بقى اللي يخرج في صيف مصر إيه اللي بيحصلوا في الشارع :D .. قالوا أصل الفكة بتتلم من السوق دلوقتي ..لأنهم حيرجعوا الجنيه الورقي .. طب ليه حضرتك حيرجعوا الجنيه الورق.. طب ما هو كان ورق قبل كده وعملوه فضة .. قال .. محدش فينا عارف حاجة .. وانا كمان باسأل .. هو ده له علاقة بموضوع الجنيهات المعدنية التي كانت مزورة وجاية لينا من الصين .. ولا فيه حاجة تانية .. يا ريت الخبراء في الناحية الاقتصادية من الأصدقاء الأفاضل يوضحوا لنا الموضوع ..