منتهى السطحية ... بقلم د.شهيرة عبد الهادي

في cbc extra .. اليوم الخميس 13 / 8 / 2015م .. في البرنامج الصباحي اللي بيناقش الأخبار والصحف.. مصر على مدار الساعة  .. ناقشت المذيعة دينا سالم مع ضيفها الصحفي والعهده على البرنامج ..أنه ..فيه خبر جه في جريدة الوطن ..بيقول : أن وزير الآثار بيطلب من الشعب المصري التبرع بـ 16 مليون جنيه استرليني .. عشان فيه تمثال فرعوني اشترته أميرة قطرية من لندن ..واحنا مش عاوزينه يكون عند الأميرة القطرية !!! وعاوزين نرجعه .. بالذمة ده اسمه كلام .. بالذمة إيه السطحية دي .. بالذمة ده شغل دولة ولا ده شغل مكايد ..بجد عيب أوي .. المفروض أن فيه دولة ووزير وهيئة آثار .. هو الموضوع ..موضوع أنه عند الأميرة القطرية .. ولا الأميرة الانجليزية ولا الأميرة الصينية ولا الأميرة العمانية ولا الأميرة السعودية ولا ولا ولا .. ولا الموضوع أنه عيب نبيع تراثنا .. عيب نبيع بلدنا للأجانب يا ناس .. عيب نهرب آثارنا خارج مصر يا ناس .. يعني يبقى ابنك على إيدك تقوم تبيعوا ولا تهربوا وبعدين تطلب تبرع لاسترجاعه .. عيب يا ناس حرام عليكوا .. (أنا حاولت أجيب الخبر من جوجل معرفتش لكني شفته وانا باتفرج على cbc واللي يعرف يجيبه من حضراتكم يبقى كتر خيره ) ..