أزمة ضمير ...... بقلم الأستاذ محمد سعيد

       

        ازمه ضمير :                             

        *********                                         

       فين الايمان 00 فبن الضمير
        فين سلوك المسلم القويم
        كله شكوك 00 كله اتهام
        كله يزود في المصيبه والانقسام
        المشكله مش في الرئيس
        او في الحكومه وادائها الضعيف
        المشكله في شعب ناقص تربيه
        وسلوكه متدني وحقير
        المشكله ازمه ضمير
        كل حاجه بيسرقوها
        حتي الصلاه بيخطفوها
        عايشين في فوضي بلا قانون
        بياع بيسرق الزبون
        وسواء صغير او كبير
        اصبحنا معدومي الضمير
        قضبان حديد بالكيلوات بنسرقوها
        سفلت طريق بدون ضمير ملعون ابوها
        رايح وظيفه عشان حضور وانصراف
        وطول اليوم نايم ومتغطي بلحااكتب المعادلة هنا.ف
        استاذ وشرحه في الدروس
        وفي الفصل بيلم الفلوس
        وناظر يلف علي الفصول
        لم المجاميع من الحضور
        والجامعه شغاله بالدروس
        ودكاتره وضعاف النفوس
        رابط النتيجه بالكتاب
        تسقط ولو كان الجواب
        صح وصريح
        ومهندسين حكم محلي
        مرتشين
        من المهندس للوزير
        واكتبلي شيك بالرشوه
        اوحط في جواب
        معدشي في خوف من ربنا
        اومن الحساب
        اعمل ازاله ع الورق
        ونفذ برضه ع الورق
        واديني كام حبه ورق
        او ممكن برضه ع الحساب
        انهار عقار
        او هيئه صايبها الدمار
        مستشفي دار للاغتصاب
        اعلام بذيء شغال بجاز
        بترول رخيص يتباع وغاز
        وناس بتقفل البوغاز
        وصايع وظيفته معتصم
        ضد الرئيس
        ومظاهرات حد وثلات
        واتنين خميس
        عايزين نعيش
        بدون ماننتج الرغيف
        او حتي نفتح الكتاب
        لغه جديده وفيس ونت
        وكاميرا حلوه وشات وبنت
        ومتش كوره عليه صراع
        يا تري هنلعب في الجزيره
        والا في وزاره الدفاع
        اعلام بذيء غذي الصراع
        خيري ولميس ووائل وهاني
        وخالد وبدر والهام 00 تهاني
        ودلع ومولد وحبه تيت
        اسلامنا بقي اسلام مظاهر
        دقن وجلباب وحبه مظاهر
        واسلام وباسم ومنقبات وحافظ
        جهله وزباله00 وع الشعب عاله
        وعجلاتي وترزي واعلامي درزي
        طالعين علينا بسيف الجهاله
        وجبهه مصالح ونخبه مطامع
        واعلام هباب واندفاع شباب
        والشوارع فوضي والبيوت خراب
        بلطجه في الشوارع
        اضراب في المصانع
        شلل في المرور
        والعداله نايمه
        والقانون سراب
        والمرشد وياسر
        والعريان وجاسر
        تصريحات بتطلع
        بتقول انت جاهل
        0000000
        عدت سنه وتاني سنه
        يستر علينا ربنا
        الشيله اكبر مننا
        لازم نشيلها كلنا
        لازم نشيلها كلنا
        **********
        محمد سعيد
        اسم علي غير مسمي
        17/1/2013
        دي قصيده كاتبها من زمااااااان