***************
كنت زمان بشتاق لصديق
طيب مخلص مش واد سيس
رحت بسرعه عملت حساب
قلت أشوفه جوه الفيس
فجأة لقتني في عالم تاني
أتاريني داخل غار أباليس
مارك وأوفـوو
ياهـوو وفايـبر
سكاي ومسنجر
أوليفا وأوميجا
دا كله ركام
فون مع كام
شات وزحام
م الشرابية لحد باريس
قلت أغير ف التضاريس
أدخل وأبحث كده بالعربي
ببص لقيت ابن بهانه
قاعد يرغي مع برديس
وأبو نضارة بالسنارة
رامي الطـُعم في بحر أليس
واللي يغيظ
تلقي سي عيسي ابن عويس
قرد الفيس
حاطط صورة مزة وفرسة
خالعه هدومها
ومكملها بنكتة قبيحة
مهو قواد وابن خسيس
ايه ده ياناس
عالم تاني كله حقارة
واللي يجنن
إن الفاره عاشقة التيس
قصدي الفيس
والكي بورد شايفه وساكته
أصلها واخده ع التحسيس
وإديها إنتر تلقي سي عنتر
شايل سيفه وراكب فرسه
ورايح يسهر عند إيزيس
عالم تاني زي الغابة
كدبه ولعبه ويا دعابه
تملا الصفحة بالنسانيس
ليه الناس بقت مش هيه
أنا في الدنيا ولا في حلم
حد يرد حتي بنكزه
أصل دماغي
خلاص مش راكزه
طز يامارك ياملك الفيس
أه لامؤاخذه
مليااااااار طـُز
فيك وفي ناسك
وفي أنجاسك
واحد هايص
والتاني لايص
واللي مهيس
واللي بترقص
عالم تاني م المهاوييس
*******************
GALAL AMIN
المنصـــــــــورة
مصـــــــــــــــر
9/5/2014
ليست هناك تعليقات:
إرسال تعليق