النهارده ح اتكلم مع حضراتكم كلمتين كده بالبلدي وآخد رأي حضراتكم فيهم..هم إيه بقى الكلمتين دول ؟.. شفت أحداث الأيام اللي فاتت صعبة عليّ أوي.. واليومين دول بردوو حصلت أحداث مثلها.. يعني مثلاً حد زعلك أوي..أو يعني مثلاً حد جرحك أوي..أنا من طبعي.. إني بـ اسكت وابلع الكلام وبـ اتسامح واتسامى ..بس انا يعني إنسان بردوو.. ولقيت نفسي تعبت أوي .. قلت لنفسي جايز عشان أنا بـ اخزن كل ده جوايا..وع شان كده قلبي بيوجعني وصدري بيوجعني وباكتئب.. فـ لقيت نفسي دلوقتي حالاً بجد.. بـ اقول لنفسي :أن المفروض الواحد ميسبش المكان اللي حصلت فيه الأحداث.. ولا يسيب الشخص اللي حصل منه الكلام اللي زعله واللي جرحه..إلا لما يتكلم معاه ويقول له على كل اللي في قلبه عشان قلبه ميوجعوش ولا صدره يوجعه ولا يحصله اكتئاب..لأن كل الأحداث اللي بتتخزن جوانا دي حيجيلها يوم وتخنقنا.. إيه رأيكم يا ولاد بلدي في الكلام ده.. أصل انا قلبي وجعني أوي وصدري وجعني أوي وجالي اكتئاب أوي م اللي حصلي أوي .. ما هو انا بشر بردوو..يا ناس مش ملاك .. ممكن دلوقتي حد يقول أن الكلام اللي بتقوليه ده يا دكتورة كلام عادي ولازم يحصل .. بس مع شخصية مثلي .. بجد مش عادي ويهمني رأيكم ..أنا قلت..بمنتهى الصراحة والوضوح مع النفس ..اللي بيحصل مني..وهو..أن ..أنا باتسامح أوي واتسامى أوي لكن باكون تعبانة أوي ..دلوني يا عطارين دلوني ..الحل فين أراضيه ..دعابة مع حضراتكم والله .. القافية حكمت ..
----------------
د.شهيرة عبد الهادي
ليست هناك تعليقات:
إرسال تعليق