اهداء الى كل أبطال أكتوبر
فى 6 أكتوبر كان النصر ..
رجعت سينا لحضن مصر ..
عاش البطل سادات العصر ..
تحيه لجنودنا جنودك يا مصر..
فى عز النهار كان انتصار ..
عبرنا القناه بكل اقتدار..
نجحنا باراده فى أقوى اختبار ..
انتصرنا وكانوا العرب أنصار..
بَسمتنا اللى ضاعت رجعت لنا ..
عبرنا وبلدنا فرحت بنا ..
تحيه لجنودنا جنود مصرنا ..
حاربوا وماتوا عشان أرضنا..
حِلف الشباب انه ما راجع ..
الا ونهارك يا مصر طالع ..
لا سَد هَم ولا حتى مانع ..
الله أكبر النصر ساطع..
حَبك يامصر والنصر جالك..
جالك بصبر وعزيمه رجالك ..
حققنا ليكى ليكى أمالك ..
هنيالك يابلدى بكل شبابك..
للقناه فى أكتوبرعبرنا..
انتصرنا ولكرامتنا ثأرنا..
أيوه عبرنا أيوه انتصرنا ..
والفرحه مليه قلوبنا ودارنا..
الشهيد ماسك فى ايده ..
رمل سينا حالف يعيده..
سايب رساله بقولها لحفيده ..
.فى 6 أكتوبر احتفلوا بعيده..
-----------
رضا أبو الغيط المحامى
ليست هناك تعليقات:
إرسال تعليق