أنا وعبده الفلول صاحبى
بنتخانق على خرزة
أكيد هتقولوا مخاويت
زمان اللى كبر فينا
ياما حكينا حواديت
عن الدنيا اللى مش دنيا
ومليانة بنات كتاكيت
وأجدع بنت كانت تيجى من نظرة
وكنا بنكتب الشعر اللى مش شعر
كلام وخلاص.........
شبه شخابيط ف كراسة
وكان يرسم لوش الفجر
وأنا بفتكره من طيبته
بيرسم صورة لحبيبته
أتارى الباشا كان يرسملى بلاص
أروح ضاحك على رسمه
وأجيب قلمى وأبندهوله بضفاير
وأقوله ياصاحبى بلاصة....
يروح ثاير ونتخانق
أبوه الخوجة يتضايق
يقول بشويش
يا أكبر شلة هجاصة
نروح ساكتين
نبص لبعضنا وخايفين
وبعد شوية خد عندك سيول م الضحك
يقولى عليك. ....
وع الشعر اللى ف ضلوعك.....
وع الضحك اللى نازز فقر ف دموعك.....
يا عجل هولندى ياتخين.....
أنا وعبده ماكناش شبه بكرة
ولا بعده ولا خططنا لإمبارح
تملى اللحظة وخدانا نقرر إيه
وإيه ف العشق كان دنيا بميت حارس
وتذكرتين بعشرة جنيه
لنسمة مسافرة للمالح
ياخدنى مرة "ميت فارس"
وأنا باخده "محرم بيه"
ماكناش بنعمل قيمة للوقت
وكان من فقره يتريق وينطق أحلى إفيه
"وهيا عاملة إيه دلوقت"
أروح سارح
ياخدنى حنينى للمالح
ولعنيها اللى رسموا حروفى ع الرملة
وخلونى بسحر البحر متغرب
تقولش ساعتها بتكهرب
وتقرصنى ميتين نملة....!!!!!
أنا وعبده
زمان عشناه بترتيبه مارتبناش
وعشنا الحب بجماله وتعذيبه ماكملناش
وخدنا البحر والموجة سنين ياما
وتهنا ف عتمة النوة
حاجات يمكن شبه مركب
وشيلانى أنا وهوه
ووسط عواصف الأيام
شراعنا كان برىء وقماش
ف إيد الريح بقى جثة
رمينا نفسنا ف البحر
ورحنا بعيد مع الموجة
ومش عارفين
مين مات ومين عاش؟؟؟؟
لكنى لسه بفتكره
فى ساعة ندهته "ياحسين"
وببعتله السلام لسه على العنوان
بنتخانق على خرزة
أكيد هتقولوا مخاويت
زمان اللى كبر فينا
ياما حكينا حواديت
عن الدنيا اللى مش دنيا
ومليانة بنات كتاكيت
وأجدع بنت كانت تيجى من نظرة
وكنا بنكتب الشعر اللى مش شعر
كلام وخلاص.........
شبه شخابيط ف كراسة
وكان يرسم لوش الفجر
وأنا بفتكره من طيبته
بيرسم صورة لحبيبته
أتارى الباشا كان يرسملى بلاص
أروح ضاحك على رسمه
وأجيب قلمى وأبندهوله بضفاير
وأقوله ياصاحبى بلاصة....
يروح ثاير ونتخانق
أبوه الخوجة يتضايق
يقول بشويش
يا أكبر شلة هجاصة
نروح ساكتين
نبص لبعضنا وخايفين
وبعد شوية خد عندك سيول م الضحك
يقولى عليك. ....
وع الشعر اللى ف ضلوعك.....
وع الضحك اللى نازز فقر ف دموعك.....
يا عجل هولندى ياتخين.....
أنا وعبده ماكناش شبه بكرة
ولا بعده ولا خططنا لإمبارح
تملى اللحظة وخدانا نقرر إيه
وإيه ف العشق كان دنيا بميت حارس
وتذكرتين بعشرة جنيه
لنسمة مسافرة للمالح
ياخدنى مرة "ميت فارس"
وأنا باخده "محرم بيه"
ماكناش بنعمل قيمة للوقت
وكان من فقره يتريق وينطق أحلى إفيه
"وهيا عاملة إيه دلوقت"
أروح سارح
ياخدنى حنينى للمالح
ولعنيها اللى رسموا حروفى ع الرملة
وخلونى بسحر البحر متغرب
تقولش ساعتها بتكهرب
وتقرصنى ميتين نملة....!!!!!
أنا وعبده
زمان عشناه بترتيبه مارتبناش
وعشنا الحب بجماله وتعذيبه ماكملناش
وخدنا البحر والموجة سنين ياما
وتهنا ف عتمة النوة
حاجات يمكن شبه مركب
وشيلانى أنا وهوه
ووسط عواصف الأيام
شراعنا كان برىء وقماش
ف إيد الريح بقى جثة
رمينا نفسنا ف البحر
ورحنا بعيد مع الموجة
ومش عارفين
مين مات ومين عاش؟؟؟؟
لكنى لسه بفتكره
فى ساعة ندهته "ياحسين"
وببعتله السلام لسه على العنوان
حلوه اوي يا عمده ، نكش في الذكريات بشقاوه محببه
ردحذف