=========
من امبارح واحنا من غير ماء في العجمي البيطاش بالإسكندرية .. وبنتوضى بإزازة ماء من الثلاجة في الفجر عشان نصلي الفجر ومش عارفين نصلي الضحى دلوقتي .. ومش معقول حنعيش على التيمم واحنا في بيوتنا .. ولا عارفين نغسل هدومنا ولانغسل حلل الأكل بتاعتنا في رمضان .. ولا ننظف بيوتنا ولا عارفين نعمل أي حاجة خالص : كنا بنقول الكلام ده في عهد الدكتور مرسي وكان الرد: المشاكل مبتتحلش في يوم وليلة .. ولسة بنقول الكلام ده في عهد الرئيس المؤقت المستشار عدلي منصور وحيكون الرد بردوو :المشاكل مبتتحلش في يوم وليلة : وقبلهم هم الإتنين قلنا الكلام ده مليون مرة في عهد الرئيس مبارك و بردوو كان الرد : الناس عددها كل يوم بيزيد وحاجبلكوا منين .. يظهر كده والله أعلم بعدهم كلهم احنا حنقول نفس الكلام بردوو .. ويظهر كده والله أعلم مش نافع أي حاجة مع كل رؤساء مصر اللي راحوا واللي جايين .. لا نافع خلع ..ولا نافع عزل .. والشعب حيدنوا عايش في المرار الطافح ده طول عمره .. طيب الشعب يعمل إيه بقى بعد العزل والخلع .. قولولي يعمل إيه .. فعلاً مشكلة مصر هي فيمن يحكمها على مر العصور ..
---------------
د.شهيرة عبد الهادي
22 / 7 / 2013 مـ
13 رمضان 1434 هـ
ليست هناك تعليقات:
إرسال تعليق