كلمتين بالبلدي
=========
طبعاً كلنا سنترقب رؤية شهر شعبان الليلة ، ثم نهنئ بعض بقدوم شهر شعبان ، وطول النهار والليل احنا قاعدين نقول : اللهم بارك لنا في رجب وشعبان وبلغنا رمضان ، وتخلص التهنئة وكل التهنيئات ، والناس في نفس الوقت عمّالة تحرق في بعضها ، وتشتم في بعض وتسب بعض وتلعن بعض وتخوض في أنفس وأعراض بعض ، وكمان تستعد لبعض ، وتهدد وتتوعد عشان تحارب بعضها البعض يوم 30 / 6 / 2013مـ ، ويقولوا حيكون فيه حمامات "دم " يوم 30 / 6 ، ونسوا بقى رجب وشعبان ورمضان والإسراء والمعراج ومولد النبي وكل المناسبات الإسلامية ! ، وبقوا فاضيين لحمامات "الدم" ، وعموما كل سنة في شهر رمضان بيكون فيه حمامات "دم " بردوو بسبب استشهاد ناس وناس من أبناء مصر ، واضح أن "الدم " حيكون موجود علطول واحنا بنهني بعض في كل مناسبة في الإسراء والمعراج ورجب وشعبان ورمضان ومولد النبي والعيد الصغير والعيد الكبير ، أهم حاجة إن الناس بتهني بعض !، وبعد كده تقتل بعض عادي ! ، ويكون فيه دم بردوو عادي ! ، ويلا بقى هنوا بعض يا جماعة متنسوش تهنوا بعض !!! # وعجبي
ليست هناك تعليقات:
إرسال تعليق