ولبقايا القهوة حنين ..
عشنا فيها الأنين..
عاشت فينا لحظات ..
وايام وسنين..
طافت بينا بحور ..
لشعورجميل مهجور ..
شوفنا بيها ..
وشوفنا فيها ..
وشوش ..
ووشوش..
دا بيضحك..
ضحكة التنين..
ودا ماسك ..
صولجان القلب..
لا رواه ..
ولا سابه يعوم ..
في بحور الحنين ..
ودا قاعد مستنيك تغرق ..
ويادوب يرفع الراية ..
لشعار انقذ غريق ..
وسايبك في حبه غريق ..
لغرامه عايش صديق ..
ساعة تدعي له ..
وساعة تدعي عليه...
( روح منك لله ) ..
لا عارف ..
ان كان ده حب ..
ولا جنون صابك ..
كان من عمايل إيديه..
ومن تاني ..
بتددور ..
الفراشة الجميلة ..
على لحظة حنين ..
لسنين تاهت ..
في بقايا..
فنجان قهوة حزين ..
----------------------------
د.شهيرة عبد الهادي
ليست هناك تعليقات:
إرسال تعليق