كل واحد من الفكهانية والخضراتية ومحلات الأكل عامل رنة تليفونه الآذان أو الشهادة أو حديث عن الرسول عليه أفضل الصلاة والسلام أو دعاء لأحد الصحابة ..تطلب منه الطلب بالتليفون .. لما تكون تعبان ومش قادر تنزل تشتري حاجتك بنفسك يعني .. يجيلك الطلب كله بايظ ..الفاكهة دبلانة وخسرانة ..الخضار انتهت صلاحيته من زمان وريحته طالعة .. السمك غير اللي انت طالبه خالص ونصه بايظ ..حتى البسكويت تلاقيه طري وزي ما يكون بقالوا سنين عنده..وكله كده كله كده ..ما فيش فايدة..ما فيش ضمير خالص عند كتير من البياعين المصريين .. المهم أن رنة التليفون في منتهى التدين .. زهقت تعبت .. عندي شعور بالقرف بجد ..
-----------------------------
د.شهيرة عبد الهادي
الثلاثاء 3 / 10 / 2017 م
ليست هناك تعليقات:
إرسال تعليق