من الواقع ..
وانا راجعة اسكندرية ..ركبت القطار كالعادة بتاع الساعة 5 الفجر رقم 5844 المنصورة -اسكندرية ..واحنا داخلين محطة القطر رايحين ع الرصيف اللي بيكون عليه القطر بتاعنا رصيف رقم 2.. بندخل في الأول قبل ما نعدي على جهاز التفتيش اللي واقف عليه عدد 2 عساكر وموظف إداري .. لاحظت الآتي ..واحد واسرته .. حطوا كل الشنط ع السير عشان تمر ع الجهاز الكاشف .. وهو انتظر في الآخر وكان ماسك في إيده كيس ..قال للعسكري اللي واقف ع الجهاز وهو رافع الكيس بإيده وبيوريهوله من بعيد : بالحرف الواحد " دا أكل " .. رد عليه العسكري وقاله بالحرف الواحد " عدّي " .. شيء غريب جداً ...طيب ما الكيس اللي فيه الأكل ده.. جايز يكون هو اللي فيه الحاجة الخطيرة اللي ممكن تعمل حاجة في القطر والناس اللي فيه ..وتكون محطوطة في صباع ممبار ولا في رآس الخروف ولا ليته ولا في صباع كفتة ولا في شوية فتة .. عشان كده باقول دايماً أن فيه تصرفات صغيرة وأنواع من الإهمال والتسيب والغباء والمجاملات بتكون هي السبب في كتير من اللي بيحصل عندنا في بلدنا الغالي من حوادث وخلافه..
-------------------------------------
د. شهيرة عبد الهادي
الجمعة 8 / 9 / 20177 م
وانا راجعة اسكندرية ..ركبت القطار كالعادة بتاع الساعة 5 الفجر رقم 5844 المنصورة -اسكندرية ..واحنا داخلين محطة القطر رايحين ع الرصيف اللي بيكون عليه القطر بتاعنا رصيف رقم 2.. بندخل في الأول قبل ما نعدي على جهاز التفتيش اللي واقف عليه عدد 2 عساكر وموظف إداري .. لاحظت الآتي ..واحد واسرته .. حطوا كل الشنط ع السير عشان تمر ع الجهاز الكاشف .. وهو انتظر في الآخر وكان ماسك في إيده كيس ..قال للعسكري اللي واقف ع الجهاز وهو رافع الكيس بإيده وبيوريهوله من بعيد : بالحرف الواحد " دا أكل " .. رد عليه العسكري وقاله بالحرف الواحد " عدّي " .. شيء غريب جداً ...طيب ما الكيس اللي فيه الأكل ده.. جايز يكون هو اللي فيه الحاجة الخطيرة اللي ممكن تعمل حاجة في القطر والناس اللي فيه ..وتكون محطوطة في صباع ممبار ولا في رآس الخروف ولا ليته ولا في صباع كفتة ولا في شوية فتة .. عشان كده باقول دايماً أن فيه تصرفات صغيرة وأنواع من الإهمال والتسيب والغباء والمجاملات بتكون هي السبب في كتير من اللي بيحصل عندنا في بلدنا الغالي من حوادث وخلافه..
-------------------------------------
د. شهيرة عبد الهادي
الجمعة 8 / 9 / 20177 م
ليست هناك تعليقات:
إرسال تعليق