وكلام وسفسطة..
وتجارة ..
بالوطن والدين ..
ده يقول لك ..
للبيت رب يحميه ..
وده يقول لك ..
يا شيخ عيب عليك..
روح احميه ..
ووقت الجد ..
ده بيهرب ..وده بيهرب ..
وعاوز ..
واحد تالت .. يروح يحميه ..
وللكلام ..
كل واحد عاوز يثبت ..
إنه .. بيقدر عليه .. ونص ..
وإن قلت رأي ..
يقول لك .. أسكت هس ..
عاوز ..
يسمع صوته هو .. وبس ..
ولا للبيت .. راح ..
يروح ..يحميه ....
ولا في يوم ..
هيقدر ..
يروح .. يحميه ..
فاكرين ..
ع القدس ..
رايحين ..
شهداء بالملايين ..
خد من ده كتير ..
ولا تلومشي ..
ع اللي ..
تاجر..
بالوطن والدين..
ويضحك عليك ..
ويقول لك ..
عشانهم ..
عينيا .. ما بتنامشي ..
خد من ده كتير ..
ولا تلومشي..
ع اللي ..
بيحلوا قضاياهم ..
بشوية أعلام ملونة ..
مرصوصة ..
على أبواب ..
قاعات ..
وسجاجيد حمراء ..
مفروشة ..
في الطرقات ..
يدوس عليها ..
ده وده ..
وهو ..
بيتمخطر..وبيمشي.. .
وتبدأ الاجتماعات ..
وتنتهي .. يا دوب ..
بـ توصيتين ..
وحروف قصائد ..
عددها بالملايين ..
وما تستغربشي ..
طول عمرهم ..كده..
بيتاجروا ..
بالوطن والدين ..
ولا حتآخد منهم ..
غير الصياح والبكاء..
والعيشة ع العالم ..
عالة وبالدين ..
سفسطة وكلام..
وكلام وسفسطة..
وتجارة ..
بالوطن والدين ..
----------------------------
د.شهيرة عبد الهادي
السبت 23 / 9 / 2017 م
ليست هناك تعليقات:
إرسال تعليق