سفسطة وكلام ..
وكلام وسفسطة..
ده يقول لك ..
للبيت رب يحميه ..
والتاني يقول لك ..
يا شيخ عيب عليك ..
روح احميه ..
ووقت الجد..
ده بيهرب وده بيهرب ..
وبيبقى ..
عاوز حد ثالت يحميه ..
وكل واحد عاوز يثبت ..
أنه بيعرف يتكلم وبس..
وان قلت رأي ..
يقول لك اسكت هس..
وعاوز يسمع ..
صوته هو وبس ..
ولا للبيت راح..
يروح يحميه ..
ولا في يوم بإسلوبه ده..
ح يقدر يحميه ..
فاكرين يا ناس ..
ع القدس رايحين ..
شهداء بالملايين ..
خد من ده كتير ..
ولا تلمش ع اللي..
بيحلوا قضاياهم ..
باجتماعات وشوية..
أعلام ملونة وتوصيتين ..
وحروف قصائد ..
عددها بالملايين ..
هم دوول اللي بيتاجروا..
بالوطن والدين ..
ولا ح تآخد منهم ..
غير الصياح والبكاء ..
والعيش ع العالم..
عالة وبالدين ..
----------------------------------
د.شهيرة عبد الهادي
السبت 29 / 7 / 2017 م
Drshahera Abd Elhady Ibrahem
ليست هناك تعليقات:
إرسال تعليق