الله يشفيكي يا أمي .. بقلم د. شهيرة عبد الهادي

الله يشفيكي يا أمي ..

ويخليكي ليا...

دا لو حطولي الدنيا في كفة ..

وانت في كفة

اختارك انت يا أمي ..

لو حتى عضم في قفة ..

دا انت  يا أمي ..

لمرضي العلاج والدوا ..

وانت  يا أمي ..

لسفري  حزام الأمان ..

وانت  يا أمي ..

لحياتي الرقوة ..

والتحصين طول الزمان ..

 وانت يا أمي ..

الحضن  اللي ..

 بيغطيني بيدفيني ..

وبيحميني  حتى  م التراب و الهوا ..

وانت  يا أمي ..

ربتيني .. كونتيني ..

وسقتيني من عطفك الحب و الحنان ..

دا انت  يا أمي ..

الوتد وانت السند ..

وانت لخيمة حياتي كل العمدان ..

وانت  يا أمي ..

السعادة وانت الفرحة ..

اللي بتملى  كياني  ..

في كل لحظة وكل أوان ..

الله يشفيكي يا أمي ..

ويخليكي ليا..

دا لو حطولي الدنيا في كفة ..

وانت في كفة ..

اختارك انت يا أمي ..

لو حتى عضم في قفة ..

------------------------

د. شهيرة عبد الهادي
2 / 4 / 2017 م
Drshahera Abd Elhady Ibrahem​