إلى رئيس مصر القادم .. مما كتبته أيام الثورة وتوابعها من أحداث في مصر ..

مصر تُناجيكم ..
في هذا المناخ وفي هذا الزمان .. ليست بطولة الإنسان ..هي .. أن يحمل سلاحاً .. وإنما بطولتة الحقيقية .. هي .. أن يحمل ضميراً .. #مصر_في_حاجة_إلى_ضمير_كل_منكم_ .. ولقد كتبت هذه الكلمات عام 2014مـ لرئيس مصر القادم .. وقد جاء الرئيس الذي انتخبه الشعب المصر ي والذي جاء بناء على رغبة الشعب المصري .. وهو يعمل ويعمل ويعمل .. والباقي علينا احنا بقى ..فـ الآن المفروض كل واحد في مصر يشتغل بضمير .. لأن أزمة مصر هي أزمة ضمير .. مش معقول السيسي حيعدي على كل مواطن مصري يسقيه ماء الضمير يعني
=========================
إلى رئيس مصر القادم ..
-----------------------------
قالولي : بتكتبي ليه اليومين دول كتير .. لمصر..
قولتلهم : يوووه ..
هو انتوا متعرفوش إن مصر اليومين دول ..
رايحة لعهد جديد .. ومن الجديد .. عصر ..
ويا إما كل مصري .. في ده العصر.. حيكون في يُسر..
ويا إما كل مصري .. في ده العصر ..حيكون في خُسر ..
وعشان يعيش .. كل مصري .. في ده العصر.. في يُسر..
يبقى عليه ..انه .. يؤمن بربه .. ورب ..كل عصر ..
وده مش بالكلام والأغاني .. اللي بتلف ..مصر ..
لأ.. ده .. بالعمل .. الصبح و المغرب وفي وقت العصر..
ورئيسها الجديد .. عليه أنه .. يتواصى بالعدل والحق ..
عشان كل مصري .. وعشان أرض مصر ..
وكمان لازم .. يتواصى بالصبر..
أيوه .. الصبر ..على كل مصري ..
عاوز.. يكون سيد العصر.. من غير ما يشتغل ..
ولا يدي .. حاجة لمصر ..
ما هو الجهاد لأكبر.. يا .. ريس مصر ..
هو ..إنك تخلَّي كل مصري يدِّي لمصر ..
بعد ما يشوفك .. إنت .. فعلاً .. بتدِّي لمصر ..
وربنا يعينك يا ريس ..
على حل .. مشاكل .. كل مصري في مصر ..
عشان مصر .. متقعش يا ريس ..
لأن مصر ..
عمرها .. ما وقعت .. في أي عصر ..
--------------------------
د.شهيرة عبد الهادي
1 / 6 / 2014م 

ثم أعيد نشرها في 

18 / 2 / 2015 م