مدفع الإمساك ..بقلم الشاعر إبراهيم القاضي

ةةة ... مدفع الامساك ...ةةة
ة ة ة ة ة ة ة
مدفع الامساك ضرب ..يا عرب
واحنا لسه بنتكلم !
لو سكتنا ..نتسمم
نص الحروف محزوف ..
متلوف على ..ماتلوف يا معلم
ضاعت لغانا ف غبانا
بس عزانا ..لسانه بنتكلم !
بصوت ف الفضا ..مشطوط
حسب الريموت ما يشوت ..!.
محطوط ع الدرج..ومضلم
ة ة ة ة ة ة ة
الدم ف الاورده ...
مليان بالصدا ..والجمر
وعيون بتقرا إنجلش..!
العربى قلش وانضر
يا أمه ..مدادها بطل
داب واتهطل ..بالأر
سواد الكلام ..مكلمه
تقفل بيبان السما ..
مدام العما ..إشتر !
نص الكلام مسموم ..
والنص ..فسدان
يعبى الثوانى غيوم ..
يطمس ..الأوزان
يسيل الكلام ..ع السكك
يملا الشبك توهان ..
وتنسى السواقى ..الطرب
زى العرب عجمان ..
بق يخلف ...شقا
وبق للبقبقه لسان ..!
يضرب حنين ..أرضنا
يزرع ضنا ونسيان ..
ة ة ة ة ة ة
ربنا قال ..اعملوا
مش ولولوا ..يا ناس
سمو وعليه ..توكلوا
بالمكنه ويا الفاس ..
خلوا العرق ..مسكره
تكحل عيون حراس ..
ودوايه تملا ..القلم !
والصدق يكون نبراس ..
العلم ولد ..القرايه
مش مكلمه ف كراس
بالعلم تعلا البنايه ..
والجد نبيل ..وناس
ة ة ة ة ة ة
دى مجرد ..تمتمه ...
فيها العما ..مات !
زى نجوم السما ..
لملمه لكل ..شتات
مدفع امساك ..يا عرب
ع اللى وثب ف النوات !
الحل ..سره العمل
مش حرفنه ف كلمات !
ة ة ة ة ة ة
الشاعر ابراهيم القاضي 2016/ 1/10