لأنك لسة جوايا ..من منشورات الشاعر المهندس الإعلامي هيثم كمال ..

لانك لسه جوايا ..
و لسة في العيون شايلك ..
ساعات من وقت للتاني ..
بقوم فاتح بروفايلك ..
أشوف ..
ضيفتي مين جديد عندك ..
و مين فيهم ضحكتي معاه ..
ومين ضايقك..ومين عاندك ..
و اغير لو ضفتي عندك ..
male ..
وأغير لو سهرتك طالت ..
و فاتحة أون لاين بالليل ..
و اشوف دوستي لايك علي ايه ..
و آخر بوست شيرتيه ..
و أنهي جروب دخلتي عليه ..
و لو واحد كتب حاجة ..
و شوفتك كاتبة ليه كومنت ..
و مع إنه مافيش حاجة ..
بحس كإن أنا اتجننت ..
صحيح سيبتيني في السكة ..
لكن شكلي هعيش فاكرك ..
علي شطرنج إحساسنا ..
صحيح مات الملك لكن ..
عساكري ماسكة في عساكرك ..
إذا بصيت في أي كتاب  ..
كتابي بسيبه وبذاكرك ..
حجزتي كراسي إحساسي ..
و سيبتيني في نص العرض ..
و رافضة ترجعي تذاكرك ..
عشان حبك في وسط الناس ..
حقيقة وحيدة جوايا..
في عالم كله متزيف ..
مابقدرشي أسيب إحساس ..
مكمل سكتي معايا..
و جوة القلب متسيف..

,,,,,,,,,,,,,,,,,,,,,,,,,,,,,احمد الصفتى
28 / 1 / 2013 م